யமுனையில் படகு சவாரி செய்ய உங்களுக்கு இருக்கிறதா? பிரதமருக்கு மமதா சவால்!

மேற்கு வங்கத்தில் இரண்டாம் கட்டத் தேர்தல் களம் சூடுபிடித்துள்ள நிலையில், பிரதமர் நரேந்திர மோடியின் ஹூக்ளி நதி படகு சவாரியை முதல்வர் மமதா பானர்ஜி கடுமையாகக் கேலி செய்துள்ளார்.

ஹௌரா பகுதியில் நடைபெற்ற தேர்தல் பிரச்சாரக் கூட்டத்தில் பேசிய மமதா பானர்ஜி, பிரதமரின் படகு சவாரியை 'தேர்தல் அரசியல்' என விமர்சித்தார். அவர் பேசியதாவது: "நீங்கள் கங்கையில் படகு சவாரி செய்தீர்கள், நல்லது. ஆனால், நான் உங்களுக்கு ஒரு சவால் விடுக்கிறேன். தில்லியிலுள்ள யமுனை நதிக்குச் சென்று உங்களால் படகு சவாரி செய்யவோ அல்லது நீராடவோ முடியுமா? தில்லியின் யமுனை நதியை உங்களால் பாதுகாக்க முடியவில்லை. ஆனால், எங்களின் தூய்மையான கங்கைக்கு வந்து புகைப்படம் எடுத்து அரசியல் ஆதாயம் தேடுகிறீர்கள்."

பிரதமர் மோடி ஜால்முரி பகுதியில் ஒரு சாதாரணக் கடையில் நின்று பொருட்கள் வாங்கியது குறித்துப் பேசிய மமதா, அது ஒரு திட்டமிடப்பட்ட நாடகம் என்று விமர்சித்தார். "பிரதமர் தனது பையில் எப்போதும் 10 ரூபாய் நோட்டு வைத்திருப்பார் என்பதை யாராவது நம்ப முடிகிறதா? இவை அனைத்தும் புகைப்படங்களுக்காக அரங்கேற்றப்பட்டவை. நீங்கள் உண்மையிலேயே மேற்கு வங்கத்தை நேசித்தால், நான் சமைத்துத் தரும் மீன் சாதத்தை ஒருமுறை சுவைத்துப் பாருங்கள்." என்று தெரிவித்துள்ளார்.

இதேபோல, திரிணமூல் காங்கிரஸ் கட்சியின் தேசிய பொதுச் செயலாளர் அபிஷேக் பானர்ஜி, பிரதமர் மோடியைத் தனிப்பட்ட முறையில் விமர்சித்தார். "பிரதமர் மோடி ஒரு நாட்டின் தலைவராகச் செயல்படாமல், மேற்கு வங்கத்தின் விளம்பரத் தூதர் (Brand Ambassador) போலப் புகைப்படங்களுக்குக் போஸ் கொடுத்து வருகிறார்" என்று அவர் சாடினார்.