» செய்திகள் - விளையாட்டு » உலகம்
ஊழல் வழக்கில் மலேஷிய முன்னாள் பிரதமர் நஜீப் ரசாக்கின் தண்டனை பாதியாக குறைப்பு!
சனி 3, பிப்ரவரி 2024 12:28:56 PM (IST)
ஊழல் வழக்கில் தண்டனை பெற்று சிறையில் உள்ள மலேஷிய முன்னாள் பிரதமர் நஜீப் ரசாக்கின் தண்டனைக் காலம், 12 ஆண்டுகளில் இருந்து ஆறு ஆண்டுகளாக குறைக்கப்பட்டுள்ளது.
தென்கிழக்கு ஆசிய நாடான மலேஷியாவின் பிரதமராக நஜீப் ரசாக், கடந்த 2009ல் பதவியேற்றார். அந்நாட்டு பொருளாதார வளர்ச்சியை விரைவுபடுத்துவதற்காக, 1 எம்.டி.பி., என்ற பெயரில் மலேஷிய மேம்பாட்டு நிறுவனத்தை, அப்போது அவர் நிறுவினார்.அரசின் முதலீட்டு நிறுவனமான இதன் நிதியை, அவர் முறைகேடாக பயன்படுத்தியதாக குற்றச்சாட்டு எழுந்தது. இது தொடர்பாக நஜீப் ரசாக், அவரது மனைவி ரோஸ்மா மன்சோர் மற்றும் 1 எம்.டி.பி., நிறுவனத்தின் அதிகாரிகள் உள்ளிட்டோர் மீது ஊழல் வழக்குகள் பதிவு செய்யப்பட்டன.
இதில், 1 எம்.டி.பி., ஊழல் தொடர்பான முதல் வழக்கில், நஜீப் ரசாக்குக்கு 12 ஆண்டுகள் சிறை தண்டனையும், அபராதமும் விதிக்கப்பட்டது. இதையடுத்து, அவர் சிறையில் அடைக்கப்பட்டார். இந்நிலையில், அவரது வயதை கருத்தில் வைத்து, அவருக்கு பொது மன்னிப்பு வழங்குவது குறித்து அந்நாட்டு மன்னிப்பு வாரியம் சமீபத்தில் ஆலோசனை மேற்கொண்டது.
இதன் தொடர்ச்சியாக, அவரது தண்டனை காலம் பாதியாக குறைக்கப்படுவதாக அறிவிக்கப்பட்டுள்ளது. இதன்படி, அவரது சிறை தண்டனை காலம் 12 ஆண்டுகளில் இருந்து, ஆறு ஆண்டுகளாக குறைக்கப்பட்டுள்ளது. இதனால், 2028 ஆக., 23ல் அவர் சிறையில் இருந்து வெளியே வருவார் என தெரிகிறது. அதேபோல், அவரின் அபராத தொகையும் குறைக்கப்பட்டுள்ளது.
மக்கள் கருத்து
மேலும் தொடரும் செய்திகள்
சீன நெடுஞ்சாலையில் திடீர் பள்ளம் : கார்கள் சரிந்து 24 பேர் பலி
வெள்ளி 3, மே 2024 12:37:54 PM (IST)
துபாயில் கொட்டித் தீர்த்த கனமழை: விமானங்கள் சேவை பாதிப்பு
வியாழன் 2, மே 2024 5:10:27 PM (IST)
இஸ்ரேல் உறவை முறித்துக் கொள்கிறோம் : கொலம்பியா அதிபர் பெட்ரோ அறிவிப்பு!
வியாழன் 2, மே 2024 11:23:58 AM (IST)
கோவிஷீல்டு தடுப்பூசியால் பக்கவிளைவு: லண்டன் நீதிமன்றத்தில் தயாரிப்பு நிறுவனம் ஒப்புதல்
புதன் 1, மே 2024 11:06:29 AM (IST)
ஆப்கானிஸ்தானில் மசூதிக்குள் நுழைந்து துப்பாக்கி: சூடு இமாம் உள்பட 6 பேர் பலி
புதன் 1, மே 2024 8:56:07 AM (IST)
இஸ்ரேல் பிரதமர் நெதன்யாகுவை கைது செய்ய சர்வதேச குற்றவியல் நீதிமன்றம் வாரண்ட்..?
திங்கள் 29, ஏப்ரல் 2024 3:35:56 PM (IST)
இந்தியா வருவதை தள்ளிவைத்த நிலையில் சீனாவுக்கு எலான் மஸ்க் திடீர் பயணம்!
திங்கள் 29, ஏப்ரல் 2024 9:04:39 AM (IST)
Sponsored Ads
