சனாதன தர்மத்தை கொச்சைப்படுத்தியதற்கு மக்கள் பாடம் புகட்டியுள்ளனர்: எல்.முருகன்

சனாதன தர்மத்தை கொச்சைப்படுத்தியதற்கு மக்கள் சரியான பாடத்தை கற்பித்துள்ளார்கள் என்று மத்திய அமைச்சர் எல்.முருகன் தெரிவித்தார்.

மத்திய பிரதேசம், சத்தீஸ்கர் மற்றும் ராஜஸ்தான் என 3 சட்டப்பேரவை தேர்தல்களிலும், பாஜக ஆட்சியை கைப்பற்றியுள்ளது. இந்த வெற்றியை பாஜக நிர்வாகிகள் கொண்டாடி வருகின்றனர்.

இந்த நிலையில் செய்தியாளர்களிடம் பேசிய மத்திய இணை அமைச்சர் எல்.முருகன், ‘’பிரதமர் நரேந்திர மோடியின் வெற்றியாக இதை பார்க்கிறோம். இந்த தேசத்தில் சமூக நீதிக்கு கிடைத்த வெற்றி இது பாஜகவிற்கு இழுபறிநிலை என்ற தேர்தல் கணிப்புகளை இந்த வெற்றி பொய்யாக்கியுள்ளது. மத்திய பிரதேசத்தில் பாஜக வரலாற்று சாதனை படைத்துள்ளது. இந்தியா கூட்டணியின் சனாதன தர்மத்தை கொச்சைப்படுத்தியதற்கு மக்கள் சரியான பாடத்தை கற்பித்துள்ளார்கள்’’ என்றார்.