» செய்திகள் - விளையாட்டு » தமிழகம்
தமிழகத்தில் ஏப்.19இல் மக்களவைத் தேர்தல் வாக்குப்பதிவு: ஜூன் 4ல் வாக்கு எண்ணிக்கை!
சனி 16, மார்ச் 2024 3:59:34 PM (IST)
தமிழ்நாட்டில் 2024 மக்களவைத் தேர்தல் வாக்குப்பதிவு ஒரே கட்டமாக ஏப்ரல் 19 ஆம் தேதி நடைபெறும் என்று தலைமைத் தேர்தல் ஆணையர் ராஜீவ்குமார் தெரிவித்தார்
நடப்பு 17-ஆவது மக்களவையின் பதவிக் காலம் வரும் ஜூன் 16-ஆம் தேதி நிறைவடைகிறது. அதற்கு முன்பாக, 18-ஆவது மக்களவை தோ்வு செய்யப்பட வேண்டும். இதற்கான தோ்தல் ஏப்ரல்-மே மாதங்களில் நடைபெறுமென எதிா்பாா்க்கப்பட்ட நிலையில், தில்லியில் இன்று பிற்பகல் 3 மணியளவில் நடைபெற்ற றும் பத்திரிகையாளா் சந்திப்பில் மக்களவைத் தோ்தல் மற்றும் 4 மாநில பேரவைத் தோ்தல்களுக்கான அட்டவணை மற்றும் தமிழ்நாட்டில் விளவங்கோடு சட்டப்பேரவை தொகுதிக்கும் வாக்குப்பதிவு நடைபெறும் என தெரிவித்துள்ளார்.
மக்களவைத் தேர்தல் 7 கட்டமாக தேர்தல் நடைபெறும் என்று அறிவிக்கப்பட்டுள்ளது. மக்களவைத் தேர்தல் தமிழகம் மற்றும் புதுச்சேரியில் ஏப்ரல் 19-ஆம் தேதி ஒரே கட்டமாக தேர்தல் நடைபெற உள்ளது.இந்த நிலையில் மக்களவை தேர்தலுக்கான வாக்கு எண்ணிக்கை ஜூன் 4-ஆம் தேதி நடைபெறும் என அறிவிக்கப்பட்டுள்ளது. மார்ச் 20 முதல் ஏப்ரல் 27 வரை வேட்புமனுத் தாக்கல் செய்யலாம் என அறிவிக்கப்பட்டுள்ளது.