திண்டுக்கல் ரயில் நிலையத்தில் இருந்து கொடைக்கானலுக்கு அரசு பேருந்துகள்!

சுற்றுலா பயணிகள் பயன்பெறும் வகையில், திண்டுக்கல் ரயில் நிலையத்தில் இருந்து கொடைக்கானலுக்கு அரசு பேருந்துகள் இயக்கப்படுகின்றன.

கோடை விடுமுறையை குதூகலமாக கழிக்க ‘மலைகளின் இளவரசி’யான கொடைக்கானலுக்கு மக்கள் படையெடுத்த வண்ணம் உள்ளனர். இந்நிலையில் ரயில் மூலமாக திண்டுக்கல் வந்து சேரும் சுற்றுலா பயணிகள் பயன்பெறும் வகையில், திண்டுக்கல் ரயில் நிலையத்தில் இருந்து கொடைக்கானலுக்கு அரசு பேருந்துகள் இயக்கப்படுகின்றன.

அதன்படி அதிகாலை 4 மணி, 5.15 மணி, காலை 6.45 மணி, 7.30 மணி ஆகிய நேரங்களில் ரயில் நிலையத்தில் இருந்து கொடைக்கானலுக்கு அரசு பேருந்துகள் இயக்கப்படுகின்றன. திண்டுக்கல் ரயில் நிலையத்தில் இருந்து கட்டணம் ரூ.95, திண்டுக்கல் பேருந்து நிலையத்தில் இருந்து கட்டணம் ரூ.85. இதனை சுற்றுலா பயணிகள் பயன்படுத்தி கொண்டு கொடைக்கானலை சுற்றி பார்த்து மகிழலாம் என்று, தமிழ்நாடு அரசு போக்குவரத்து கழகத்தின் திண்டுக்கல் மண்டல பொதுமேலாளர் தெரிவித்துள்ளார்.