பள்ளியில் 5 வயது மாணவிக்கு பாலியல் தொல்லை : ஆசிரியை போக்சோ சட்டத்தில் கைது

» செய்திகள் - விளையாட்டு » தமிழகம்

பள்ளியில் 5 வயது மாணவிக்கு பாலியல் தொல்லை : ஆசிரியை போக்சோ சட்டத்தில் கைது

திங்கள் 12, ஆகஸ்ட் 2024 11:06:04 AM (IST)

மார்த்தாண்டம் அருகே 5 வயது மாணவிக்கு பாலியல் தொல்லை கொடுத்த ஓவிய ஆசிரியையை மகளிர் போலீசார் போக்சோ சட்டத்தில் கைது செய்தனர்.

கேரள மாநிலத்தின் எல்லையில் வசித்து வரும் ஒரு தம்பதியின் 5 வயது மகள் குமரி மாவட்டம் பளுகல் போலீஸ் சரக பகுதியில் உள்ள ஒரு தனியார் மெட்ரிக் பள்ளியில் யு.கே.ஜி. படித்து வந்தாள். சம்பவத்தன்று வழக்கம்போல் பள்ளிக்கு சென்ற மாணவி, மாலையில் மிகவும் சோர்வாக வீட்டுக்கு திரும்பினார்.

இதை கண்ட தாயார் அவரிடம் இதுபற்றி விசாரித்தார். அப்போது அவர் கூறிய பதிலை கேட்டு அதிர்ச்சி அடைந்தார். அதாவது பள்ளியில் உள்ள ஓவிய ஆசிரியை ஒரு அறைக்கு அழைத்து சென்று மாணவிக்கு பாலியல் தொல்லை கொடுத்தது தெரியவந்தது. மேலும் அவள் அந்தரங்க உறுப்பு வலிக்கிறது என கூறியுள்ளார்.

இதனால் பதற்றமடைந்த பெற்றோர் உடனே பாறசாலை அரசு மருத்துவமனைக்கு மாணவியை அழைத்து சென்றனர். அங்கு டாக்டர்கள் சிகிச்சை அளித்தனர். மேலும் இதுகுறித்து சிறுமியின் தாயார் மார்த்தாண்டம் அனைத்து மகளிர் காவல் நிலையத்தில் புகார் அளித்தார்.

அதன்பேரில் மகளிர் போலீசார் விசாரணை நடத்தினர். பின்னர் தனியார் பள்ளியின் ஓவிய ஆசிரியையான ஐஸ்வர்யா (26) என்பவர் மீது போக்சோ சட்டத்தில் வழக்குப்பதிவு செய்து அவரை கைது செய்தனர். 5 வயதுக்கு மாணவிக்கு பாலியல் தொல்லை கொடுத்ததாக ஓவிய ஆசிரியை கைது செய்யப்பட்ட சம்பவம் அந்த பகுதியில் பரபரப்பை ஏற்படுத்தியது.

மக்கள் கருத்து

5 வயசுAug 12, 2024 - 12:41:37 PM | Posted IP 162.1*****

பிள்ளைக்கு என்ன டா தெரியும். ஏன்டா இப்படி பண்றீங்க?

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பள்ளியில் 5 வயது மாணவிக்கு பாலியல் தொல்லை : ஆசிரியை போக்சோ சட்டத்தில் கைது

» செய்திகள் - விளையாட்டு » தமிழகம்