செல்போன் தொலைந்ததால் வாலிபர் தற்கொலை: அரசு மருத்துவமனை ஊழியர்கள் அலைக்கழிப்பு!

இந்த நிலையில் மருத்துவமனையில் வினோத்குமார் உடலினை பிணவறையில் வைக்க குளிர்சாதன வசதி இல்லாத காரணத்தினால், அவரது குடும்பத்தினரிடம் குளிர்சாதன பெட்டியை வாடகைக்கு எடுத்து வந்து பிணவறையில் வைக்கும்படி மருத்துவமனை ஊழியர்கள் கூறிவிட்டு சென்றதாக கூறப்படுகிறது.

உடனடியாக அவர்கள் சாத்தான்குளத்திற்கு சென்று குளிர்சாதன பெட்டியை வாடகைக்கு எடுத்து பிணவறையில் வைத்தனர். ஆனாலும் மருத்துவமனை ஊழியர்கள் பிணவறையில் மின்சாரம் வேலை செய்யவில்லை மின் வயர் வாங்கி வரும்படி கூறினார்கள். எனினும் உறவினர்களும் மீண்டும் சாத்தான்குளத்திற்கு சென்று மின் வயர் வாங்கி வந்தனர். அதன் பிறகும் பிணவறையில் குளிர்சாதன பெட்டிக்குள் வினோத்குமாரின் உடலை வைக்க ஊழியர்கள் மறுத்து விட்டதாக கூறப்படுகிறது.

இதுபற்றி அவர்களிடம் கேட்டபோது மருத்துவமனையில் இருந்து மின்சாரம் வழங்கினால் மின்கட்டணம் உயர்ந்து விடும் அதனால் பிணவறைக்கு மின்சாரம் வழங்கக்கூடாது என டாக்டர் ஒருவர் தெரிவித்ததாக உறவினர்கள் புகார் கூறினார்கள்.

இந்த சம்பவங்கள் குறித்து போலீசுக்கு தகவல் தெரிவிக்கப்பட்டது. போலீசார் மனிதாபிமானத்தோடு செயல்பட்டு சாத்தான்குளம் காவலர் குடியிருப்பில் இருந்து மின்சாரம் வழங்கி குளிர்சாதன பெட்டியில் வாலிபரின் உடலை வைத்தனர். இந்த சம்பவத்தால் வாலிபரின் உறவினர்கள் கடும் வேதனைக்கு ஆளானார்கள். அரசு மருத்துவமனைகளில் இதுபோன்ற சம்பவங்கள் நடைபெறாமல் இருக்க நடவடிக்கை எடுக்க வேண்டும் என்றும் அவர்கள் கோரிக்கை விடுத்தனர்.