அரசு ஊழியர்களுக்கான முதலமைச்சர் கோப்பை கபடி போட்டி: ஆட்சியர் துவக்கி வைத்தார்

கன்னியாகுமரி மாவட்டத்திற்குட்பட்ட அரசு ஊழியர்களுக்கான முதலமைச்சர் கோப்பை கபடி விளையாட்டு போட்டிகளை மாவட்ட ஆட்சியர் ஆர்.அழகுமீனா துவக்கி வைத்தார்

தமிழ்நாடு விளையாட்டு மேம்பாட்டு ஆணையத்தின் சார்பில் அரசு ஊழியர்களுக்கான மாவட்ட அளவிலான முதலமைச்சர் கோப்பை கபடி விளையாட்டுப்போட்டிகளை மாவட்ட ஆட்சியர் ஆர்.அழகுமீனா, இராஜக்கமங்கலம் உள் விளையாட்டு அரங்கத்தில்  தெரிவிக்கையில்- தமிழ்நாடு விளையாட்டு மேம்பாட்டு ஆணையத்தின் சார்பில் முதலமைச்சர் கோப்பை விளையாட்டுப்போட்டிகள் 2025-2026ஆம் ஆண்டிற்கான கன்னியாகுமரி மாவட்ட அளவிலான விளையாட்டுப் போட்டிகள் 26.08.2025 முதல் 12.09.2025 வரை மாவட்டத்தின் பல்வேறு பகுதிகளில் தொடர்ந்து நடைபெற்று வருகிறது. தமிழ்நாடு அரசால் நடத்தப்படும் இப்போட்டிகளின் முக்கிய நோக்கம் அனைவருடைய விளையாட்டு திறமைகளை வெளிக்கொண்டு வருவதேயாகும்.

அதன் ஒருபகுதியாக இன்றையதினம் அரசு ஊழியர்களுக்கான மாவட்ட அளவிலான முதலமைச்சர் கோப்பை கபடி விளையாட்டுப்போட்டிகளை இராஜக்கமங்கலம் உள் விளையாட்டு அரங்கத்தில் துவக்கி வைக்கப்பட்டுள்ளது. இப்போட்டிகளில் பங்கேற்றுள்ள அனைத்து வீரர்களும் சிறப்பாக விளையாடி போட்டிகளில் வெற்றி பெற வாழ்த்துகிறேன். இவ்வாறு மாவட்ட ஆட்சியர் ஆர்.அழகுமீனா, பேசினார்கள்.

நிகழ்ச்சியில் மாவட்ட விளையாட்டு மற்றும் இளைஞர்நலன் அலுவலர் வினு, விளையாட்டு வீரர் மற்றும் வீராங்கனைகள், பயிற்சியாளர்கள், உள்ளாட்சி பிரதிநிதிகள் உட்பட பலர் கலந்து கொண்டார்கள்.