குமரி மாவட்டத்தில் செப்.11ஆம் தேதி சட்டமன்ற பேரவை உறுதிமொழிக்குழுவினர் ஆய்வு!

கன்னியாகுமரி மாவட்டத்தில் வருகிற 11ஆம் தேதி தமிழ்நாடு சட்டமன்ற பேரவை உறுதிமொழிக் குழுவினர் ஆய்வு மேற்கொள்ள உள்ளனர்.

இதுகுறித்து மாவட்ட ஆட்சியர் ஆர்.அழகுமீனா வெளியிட்ட செய்திக்குறிப்பில், "தமிழ்நாடு முதலமைச்சர் அவர்களின் ஆணைக்கிணங்க தமிழ்நாடு சட்டமன்றப்பேரவை அரசு உறுதிமொழிக்குழுவினர் (2024-2026) அதன் தலைவர் த.வேல்முருகன் தலைமையில் கன்னியாகுமரி மாவட்டத்திற்கு 11.09.2025 (வியாழக்கிழமை) அன்று வருகை தரவுள்ளார்கள். 

தமிழ்நாடு சட்டமன்ற உறுதிமொழி குழு தலைவர் த.வேல்முருகன் (பண்ருட்டி சட்டமன்ற தொகுதி உறுப்பினர்) தலைமையில் உறுப்பினர்கள் ச.அரவிந்த் ரமேஷ் (சோழிங்கநல்லூர் சட்டமன்ற உறுப்பினர்), இரா.அருள் (சேலம் மேற்கு தொகுதி சட்டமன்ற உறுப்பினர்), ஏ.ஆர்.ஆர்.சீனிவாசன் (பல்லாவரம் தொகுதி சட்டமன்ற உறுப்பினர்), மு.சக்ரபாணி (வானூர் தொகுதி சட்டமன்ற உறுப்பினர்), கோ.தளபதி (மதுரை வடக்கு தொகுதி சட்டமன்ற உறுப்பினர்), A.நல்லதம்பி (திருப்பத்தூர் தொகுதி சட்டமன்ற உறுப்பினர்), மு.பூமிநாதன் (மதுரை தெற்கு தொகுதி சட்டமன்ற உறுப்பினர்), ரா.மணி (ஓமலூர் தொகுதி சட்டமன்ற உறுப்பினர்), சா.மாங்குடி (காரைக்குடி தொகுதி சட்டமன்ற உறுப்பினர்), M.K.மோகன் (அண்ணாநகர் தொகுதி சட்டமன்ற உறுப்பினர்), எஸ்.ஜெயக்குமார் (பெருந்துறை தொகுதி சட்டமன்ற உறுப்பினர்), உறுதிமொழிக்குழு செயலாளர் முனைவர் கி.சீனிவாசன் உள்ளிட்டவர்கள் கன்னியாகுமரி மாவட்டத்திற்குட்பட்ட பகுதிகளில் நடைபெற்று வரும் வளர்ச்சி திட்டப்பணிகளை நேரில் பார்வையிட்டு ஆய்வு மேற்கொள்ளவுள்ளார்கள். 

மேலும் 11.09.2025 அன்று பிற்பகல் 02.00 மணிக்கு மாவட்ட ஆட்சியர் அலுவலக வருவாய் கூட்டரங்கில் துறை சார்ந்த அலுவலர்களுடன் ஆய்வு மேற்கொள்ளவுள்ளார் எ்ன்று தெரிவித்துள்ளார்.