தூத்துக்குடியில் உலக நன்மைக்காக சிறப்பு துவா : திரளான இஸ்லாமியர்கள் பங்கேற்பு

தூத்துக்குடி அரபிக் கல்லூரியில் உலக நன்மையும் அமைதியும் வேண்டி 60 கோடி ஸலவாத்துகள் கூறி சிறப்பு துவா நடைபெற்றது. 

தூத்துக்குடியில் உள்ள பழமை வாய்ந்த ஜாமியா பள்ளிவாசலில் செயல்பட்டு வரும் மன்பவுஸ்ஸலாஹ் அரபிக்கல்லூரி சார்பில் மிலாது நபி விழா மற்றும் வலிமார்கள் நினைவு விழா மற்றும் உலக நன்மையும் அமைதியும் மற்றும் ஒற்றுமையை வலியுறுத்தி 60 கோடி ஸலவாத்துகள் ஓதி சிறப்பு துவா நடைபெற்றது. இந்த நிகழ்ச்சிக்கு கல்லூரி முதல்வர் இம்தாதுல்லாஹ் தலைமை தாங்கினார். 

கல்லூரி துணை முதல்வர் அஸ்ரார் அகமது வரவேற்றுப் பேசினார். இதில் அரசு காஜி முஜிபுர் ரஹ்மான், ஜாமியா பள்ளிவாசல் தலைமை இமாம் அப்துல் அழிம், இமாம் சதக்கத்துல்லா, பேராசிரியர்கள் முகமது இஸ்மாயில், செய்யது அப்பாஸ், தாஜீத்தீன், ஆகியோர் வாழ்த்துரை வழங்கினார். இது தொடர்ந்து சிறப்பாக சேவை செய்த இமாம்கள் சமூக ஆர்வலர்களுக்கு ஜாமியா பள்ளிவாசல் முன்னாள் தலைவர் மீராசா அரபிக் கல்லூரி செயலாளர் அபூபக்கர் பொருளாளர் சுலைமான் உள்ளிட்டோர் சால்வை வாழ்த்து தெரிவித்தனர்.

இதில் சிந்தாமணிபட்டி சவுதியா கல்வி குழுமம் தாளாளர் சிராஜுதீன் அகமது ரஷாதி மற்றும் அரபிக் கல்லூரி மாணவர்கள் மற்றும் பல்வேறு பகுதியில் இருந்து வந்திருந்த மௌலவிகள் ஆகியோர் சிறப்பு துவா ஓதினர். இந்த நிகழ்ச்சியில் முன்னாள் துணைத் தலைவர் எம் எஸ் எப் ரகுமான், முன்னாள் செயலாளர் சிராஜுதீன், முன்னாள் பொருளாளர் மூஸா, உள்ளிட்ட ஏராளமான கலந்து கொண்டனர் முடிவில் மன்பவுஸ்ஸலாஹ் அரபிக் கல்லூரி தலைவர் சகாப்தின் நன்றி கூறினார்.