சாயர்புரத்தில் ரூ.1.67 கோடியில் புதிய பேருந்து நிலையம் : முதலமைச்சர் மு.க.ஸ்டாலின் திறந்து வைத்தார்!

சாயர்புரத்தில் ரூ.1.67 கோடியில் கட்டப்பட்ட புதிய பேருந்து நிலையத்தை தமிழ்நாடு முதலமைச்சர் மு.க.ஸ்டாலின் காணொலி மூலம் திறந்து வைத்தார்.

தூத்துக்குடி மாவட்டம், சாயர்புரத்தில் ரூ.1.67 கோடியில் கட்டப்பட்ட புதிய பேருந்து நிலையத்தை தமிழ்நாடு முதலமைச்சர் மு.க.ஸ்டாலின் காணொலி மூலம் திறந்து வைத்தார். சாயர்புரத்தில் நடைபெற்ற விழாவில் பேரூராட்சி தலைவர் அ.பாக்கியலெட்சுமி தலைமை வகித்து குத்து விளக்கு ஏற்றி வைத்தார். திருநெல்வேலி பேரூராட்சிகளின் உதவி இயக்குநர் கிறிஸ்டோபர் தாஸ், தூத்துக்குடி மாவட்ட உதவி செயற்பொறியாளர் ஹரிகரன், சாயர்புரம் பேரூராட்சி செயல் அலுவலர் பாபு ஆகியோர் முன்னிலை வகித்தனர்.

விழாவில் திருவைகுண்டம் மத்திய ஒன்றிய கழக செயலாளர் பி.ஜி.ரவி, தெற்கு மாவட்ட தி.மு.க துணை செயலாளர் ஜெபதங்கம் பிரேமா, சாயர்புரம் நகர தி.மு.க செயலாளர் கண்ணன், பெருங்குளம் நவநீத முத்துக்குமார், சாயர்புரம் முன்னாள் கூட்டுறவு வங்கி தலைவர் த.அறவாழி, ஒன்றிய இளைஞரணி அமைப்பாளர் ராமமூர்த்தி, பொருளாளர் பத்திரகாளிமுத்து, ஒப்பந்ததாரர் ஜெ.பிரேம் இம்மானுவேல், தெற்கு மாவட்ட முன்னாள் காங். தலைவரும் பேரூராட்சி கவுன்சிலருமான எஸ்.வி.பி.எஸ்.பொ.ஜெயக்குமார், வட்டாரத் தலைவர்கள் ஜெயசீலன் துரை, சொரிமுத்து பிரதாபன், பேரூராட்சி துணை தலைவர் பிரியா மேரி, கவுன்சிலர்கள் கிறிஸ்டோபர், இந்திரா, பிரவீனா, பிளாட்டினா மேரி, முத்துமாரி, அமுதா, சுமதி மற்றும் பொதுமக்கள் கலந்து கொண்டனர்.