» செய்திகள் - விளையாட்டு » தமிழகம்
பெரம்பூர் மற்றும் திருச்சி கிழக்கில் களம் காணும் விஜய்: திமுக எம்.எல்.ஏ-க்களுடன் நேரடி மோதல்!
ஞாயிறு 29, மார்ச் 2026 8:32:48 PM (IST)
சட்டப்பேரவைத் தேர்தலில் இரண்டு தொகுதிகளில் போட்டியிடும் தமிழக வெற்றிக் கழகத்தின் தலைவர் விஜய், திமுக எம்.எல்.ஏக்களுக்கு எதிராக களமிறங்குகிறார்.
2026 தமிழகச் சட்டமன்றத் தேர்தலுக்கான வேட்பாளர் பட்டியலைத் தமிழக வெற்றிக் கழகத்தின் (த.வெ.க) தலைவர் விஜய் இன்று சென்னையில் உள்ள தனியார் விடுதியில் வெளியிட்டார். இதில் யாரும் எதிர்பார்க்காத திருப்பமாக, தான் இரண்டு தொகுதிகளில் போட்டியிடப் போவதாக விஜய் அறிவித்துள்ளார்.
தன்னுடைய அரசியல் எதிரி திமுக தான் என்பதைத் தெளிவுபடுத்தும் விதமாக, திமுகவின் கோட்டைகளாகக் கருதப்படும் இரண்டு தொகுதிகளை அவர் தேர்ந்தெடுத்துள்ளார்:
1. பெரம்பூர் தொகுதி (சென்னை):
இங்கு திமுக சார்பில் சிட்டிங் எம்.எல்.ஏ ஆர்.டி. சேகர் மீண்டும் போட்டியிடுகிறார். 2021 தேர்தலில் 50,000 வாக்குகள் வித்தியாசத்தில் வெற்றி பெற்ற ஆர்.டி. சேகரை எதிர்த்து விஜய் களம் இறங்குவது வடசென்னையில் பெரும் பரபரப்பை ஏற்படுத்தியுள்ளது.
2. திருச்சி கிழக்கு தொகுதி:
இங்கு திமுகவின் சிட்டிங் எம்.எல்.ஏ இனிகோ இருதயராஜ் மீண்டும் களம் காண்கிறார். மத்திய தமிழகத்தின் முக்கியத் தொகுதியான இதில், கடந்த முறை 94,000-க்கும் அதிகமான வாக்குகளைப் பெற்று வெற்றி பெற்ற இனிகோ இருதயராஜை எதிர்த்து விஜய் போட்டியிடுகிறார்.
நாளை முதல் பிரசாரம்: வேட்பாளர் அறிவிப்பைத் தொடர்ந்து, நாளை (திங்கட்கிழமை) முதல் தனது அனல் பறக்கும் தேர்தல் பிரசாரத்தை விஜய் தொடங்க உள்ளார். "திமுக மற்றும் த.வெ.க இடையேதான் போட்டி" என்று அவர் ஏற்கனவே கூறி வந்த நிலையில், சிட்டிங் எம்.எல்.ஏ-க்களுக்கு எதிராக அவரே நேரடியாகக் களம் இறங்குவது தேர்தல் களத்தைச் சூடாக்கியுள்ளது.
மக்கள் கருத்து
மேலும் தொடரும் செய்திகள்
மகளிர் உரிமைத் தொகை ரூ.2,000; ரூ.8,000 கூப்பன்: திமுக தேர்தல் அறிக்கை அறிவிப்புகள்
ஞாயிறு 29, மார்ச் 2026 8:40:35 PM (IST)
தூத்துக்குடி தொகுதியில் ஸ்ரீநாத் போட்டி: தவெக வேட்பாளர்கள் பட்டியல் - விஜய் அறிவிப்பு!
ஞாயிறு 29, மார்ச் 2026 7:53:45 PM (IST)
ஆசாரிப்பள்ளம் பழமையான தேவாலயத்தில் குருத்தோலை ஞாயிறு சிறப்பு வழிபாடு!
ஞாயிறு 29, மார்ச் 2026 10:57:23 AM (IST)
பத்மநாபபுரம் தொகுதி கம்யூனிஸ்ட் கட்சிக்கு ஒதுக்கீடு: திமுகவினர் பட்டாசு வெடித்துக் கொண்டாட்டம்!
ஞாயிறு 29, மார்ச் 2026 9:52:03 AM (IST)
பெண்களுக்கு எதிரான குற்றங்களில் ஒரே நாளில் 3 பேருக்குச் சிறை - நீதிமன்றம் அதிரடி தீர்ப்பு!
ஞாயிறு 29, மார்ச் 2026 8:15:09 AM (IST)
திமுக வேட்பாளர் பட்டியல்: 3 அமைச்சர்களுக்கு மீண்டும் தேர்தலில் போட்டியிட சீட் மறுப்பு!
சனி 28, மார்ச் 2026 5:46:11 PM (IST)
நாகர்கோவில் - இரணியல் இரட்டை ரயில் பாதை பணி: ரயில் போக்குவரத்தில் மாற்றங்கள் அறிவிப்பு!
சனி 28, மார்ச் 2026 5:40:17 PM (IST)
