உச்ச நீதிமன்றத்தில் தமிழக அரசுக்காக வாதாட ப.சிதம்பரம் உட்பட 35 வழக்கறிஞர்கள் நியமனம்!

» செய்திகள் - விளையாட்டு » தமிழகம்

உச்ச நீதிமன்றத்தில் தமிழக அரசுக்காக வாதாட ப.சிதம்பரம் உட்பட 35 வழக்கறிஞர்கள் நியமனம்!

திங்கள் 17, ஆகஸ்ட் 2026 11:13:20 AM (IST)

உச்ச நீதிமன்றத்தில் நிலுவையில் உள்ள மாநில நலன் சார்ந்த முக்கிய வழக்குகளைத் திறம்படவும் விரைந்தும் நடத்துவதற்காக, மூத்த வழக்கறிஞர் ப.சிதம்பரம் உட்பட 35 பேரை நியமித்துத் தமிழக அரசு உத்தரவிட்டுள்ளது.

தமிழகத்தில் ஏற்பட்ட ஆட்சி மாற்றத்தைத் தொடர்ந்து, உச்ச நீதிமன்றத்தில் மாநில அரசின் சார்பில் ஆஜராகும் வழக்கறிஞர்களை நியமிப்பது குறித்து அட்வகேட் ஜெனரலுடன் அரசு விரிவான ஆலோசனை நடத்தியது.

இதனைத் தொடர்ந்து, உச்ச நீதிமன்றத்தின் பிரபல வழக்கறிஞர்கள், சென்னை உயர் நீதிமன்றத்தில் நீதிபதிகளாகப் பணியாற்றி ஓய்வுபெற்ற மூத்த வழக்கறிஞர்கள் மற்றும் டெல்லியில் ஆஜராகி வரும் தமிழகத்தைச் சேர்ந்த முன்னணி வழக்கறிஞர்கள் அடங்கிய 35 பேர் கொண்ட பெயர் பட்டியலை அட்வகேட் ஜெனரல் அரசுக்குப் பரிந்துரைத்தார்.

அட்வகேட் ஜெனரலின் பரிந்துரையை ஏற்றுக்கொண்டு, ப.சிதம்பரம், கே.கே. வேணுகோபால், அபிஷேக் மனு சிங்வி, கபில் சிபல், முகுல் ரோத்தகி, சி.எஸ். வைத்தியநாதன், கோபால் சுப்பிரமணியன்,டி.எஸ். சிவஞானம், எஸ். நாகமுத்து, பி.என். பிரகாஷ், எம். சத்யநாராயணன், கே. ராதாகிருஷ்ணன்,ஆர். சுப்பிரமணியம் உள்பட 35 வழக்கறிஞர்கள் கொண்ட பட்டியலுக்குத் தமிழக அரசு ஒப்புதல் அளித்து அரசாணை வெளியிட்டுள்ளது.

மாநிலத்தின் உரிமைகள் மற்றும் நலன்கள் சார்ந்த முக்கிய வழக்குகளைத் தங்குதடையின்றியும் விரைவாகவும் நடத்தித் தமிழக அரசின் சார்பில் வலுவான வாதங்களை முன்வைப்பதற்காக இவர்கள் நியமிக்கப்பட்டுள்ளதாகத் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

உச்ச நீதிமன்றத்தில் தமிழக அரசுக்காக வாதாட ப.சிதம்பரம் உட்பட 35 வழக்கறிஞர்கள் நியமனம்!

» செய்திகள் - விளையாட்டு » தமிழகம்