» செய்திகள் - விளையாட்டு » விளையாட்டு
லியோ பாடலுக்கு நடனமாடிய ஷிகர் தவான்: வைரல் விடியோ!
திங்கள் 24, ஜூலை 2023 5:33:10 PM (IST)
லியோ படத்தின் முதல் பாடலான 'நா ரெடி' பாடலுக்கு கிரிக்கெட் வீரர் ஷிகர் தவான் நடனமாடியுள்ளது இணையத்தில் வைரலாகி வருகிறது.
விக்ரம் படத்தின் வெற்றிக்குப் பிறகு இயக்குநர் லோகேஷ் கனகராஜ் நடிகர் விஜய்யுடன் லியோ படத்தினை இயக்கி முடித்துள்ளார். இதில் த்ரிஷா, மிஷ்கின், அர்ஜுன், சஞ்சய் தத் உள்ளிட்ட பல பிரபலங்கள் இணைந்து நடித்துள்ளார்கள். லியோ படம் இந்தாண்டு அக்டோபர் மாதம் திரைக்கு வருகிறது. இப்படத்திற்கு அனிருத் இசையமைக்கிறார். படத்தின் படப்பிடிப்பு நிறைவடைந்ததாக படக்குழு சமீபத்தில் தெரிவித்திருந்தது.
THIS IS JUST W❤️🔥W 👑
— Sony Music South (@SonyMusicSouth) July 23, 2023
THE @SDhawan25 dances to #NaaReady from #Leo 🔥 ➡️ https://t.co/KBhQjLFX0F#Thalapathy@actorvijay@Dir_Lokesh@7screenstudio@anirudhofficial@Jagadishbliss@immasterdineshpic.twitter.com/R2qfw3Iqvd
லியோ படத்தின் முதல் பாடலான 'நா ரெடி' பாடல் விஜய் குரலில் அவரது பிறந்தநாளை முன்னிட்டு வெளியானது. இப்பாடல் துள்ளல் இசைப் பாடலாக உருவாகியுள்ளது. இதில் விஜய்யுடன் 100க்கும் மேற்பட்ட நடன கலைஞர்கள் நடனமாடி உள்ளனர். வெளியாகி பல நாள்கள் ஆகியும் இந்தப் பாடலின் வைஃப் ரசிகர்களிடம் இருந்து அகலவில்லை. இந்தப் பாடல் யூடியூபில் 74 மில்லியனை (7.4 கோடி) பார்வையாளர்களை கடந்துள்ளது குறிப்பிடத்தக்கது. இன்ஸ்டாகிராமிலும் இந்தப் பாடலுக்கு ரீல்ஸ் செய்து ரசிகர்கள் கொண்டாடி வருகின்றனர். இந்நிலையில், இந்திய கிரிக்கெட் வீரர் ஷிகர் தவான் நா ரெடி பாடலுக்கு நடனமாடியுள்ளார். இந்த விடியோ இணையத்தில் வைரலாகி வருகிறது.