» சினிமா » செய்திகள்
லாஸ் ஏஞ்சல்ஸில் ஆஸ்கர் விருது விழா கோலாகலம்: 5 விருதுகளை அள்ளியது‘அனோரா’!
செவ்வாய் 4, மார்ச் 2025 11:23:52 AM (IST)
லாஸ் ஏஞ்சல்ஸில் நடைபெற்ற ஆஸ்கர் விருது வழங்கும் விழாவில் ‘அனோரா’ திரைப்படம் 5 விருதுகளை வென்றது.
அமெரிக்காவின் லாஸ் ஏஞ்சல்ஸில் உள்ள டால்பி அரங்கில், 97-வது ஆஸ்கர் விருது விழா, இந்திய நேரப்படி நேற்று காலை கோலாகலமாக நடைபெற்றது. சர்வதேச அளவில் திரைத்துறையின் உயர்ந்த விருது விழாவான இதில் உலகில் பல்வேறு நாடுகளிலிருந்து திரையுலகினர் இதில் பங்கேற்றனர்.
விழாவை, பிரபல நகைச்சுவை நடிகர் கோனன் ஓ பிரைன் தொகுத்து வழங்கினார். இதில், ‘எமிலியா பரேஸ்’ என்ற பிரெஞ்சு மொழி படம், அதிகபட்சமாக 13 பிரிவுகளுக்கு பரிந்துரைக்கப்பட்ட ஆங்கிலம் அல்லாத பிற மொழி படம் என்ற சாதனையை படைத்தது. இதில், பாலியல் தொழிலாளியின் காதலைப் பேசிய ‘அனோரா’ படம், 5 விருதுகளை வென்றது.
சிறந்த படம் (சீன் பேக்கர்), சிறந்த இயக்குநர் (சீன் பேக்கர்), சிறந்த ஒரிஜினல் திரைக்கதை (சீன் பேக்கர்), சிறந்த நடிகை (மைக்கி மேடிசன்), சிறந்த படத்தொகுப்பு (சீன் பேக்கர்) ஆகிய பிரிவுகளில் ‘அனோரா’ விருதுகளை வென்றது. ஒரே படத்துக்காக, 4 ஆஸ்கர் விருதுகளை ஒருவரே (சீன் பேக்கர்) வெல்வது இதுதான் முதல் முறை.
‘த புரூட்டலிஸ்ட்’ திரைப்படத்துக்கு 3 விருதுகள் கிடைத்தன. சிறந்த நடிகர் (அட்ரியன் ப்ரோடி), சிறந்த ஒரிஜினல் இசை (டேனியல் ப்ளூம்பெர்க்), சிறந்த ஒளிப்பதிவு (லால் கிராலே) ஆகிய பிரிவுகளில் இந்தப் படம் விருதுகளை வென்றது.
மற்ற விருது விவரம்
- துணை நடிகர்: கீயரன் கல்கின் (எ ரியல் பெய்ன்)
- துணை நடிகை: ஜோ சால்டானா (எமிலியா பரேஸ்)
- தழுவல் திரைக்கதை: கான்க்ளேவ்
- விஷுவல் எபெக்ட்ஸ்: டூன்: பார்ட் 2
- சிறந்த ஒலி அமைப்பு: டூன்: பார்ட் 2
- வெளிநாட்டுத் திரைப்படம்: ஐம் ஸ்டில் ஹியர் (பிரேசில்)
- ஆவணப்படம்: நோ அதர் லேண்ட்
- ஆவணக் குறும்படம்: தி ஒன்லி கேர்ள் இன் த ஆர்கேஸ்ட்ரா
- அனிமேஷன் படம்: ஃப்ளோ
- ஆடை வடிவமைப்பு: பால் டாஸ்வெல் (விக்கட்)
- ஒப்பனை, சிகையலங்காரம்: தி சப்ஸ்டேன்ஸ்
பிரியங்கா சோப்ரா மற்றும் குனீத் மோங்கா தயாரிப்பில் டெல்லியில் எடுக்கப்பட்ட ‘அனுஜா' என்ற குறும்படத்துக்கு விருது கிடைக்கவில்லை.
மக்கள் கருத்து
மேலும் தொடரும் செய்திகள்
சிவகார்த்திகேயனின் பராசக்தி பொங்கல் ரிலீஸ்: அதிகாரப்பூர்வ அறிவிப்பு!
சனி 13, செப்டம்பர் 2025 10:51:37 AM (IST)
லோகா திரைப்படத்தின் வெற்றி எதிரொலி : காந்தா ரிலீஸ் தேதி மாற்றம்!
வியாழன் 11, செப்டம்பர் 2025 3:32:03 PM (IST)
விக்ரம் படம் டிராப்... ஃபகத் பாசிலை இயக்கும் மெய்யழகன் இயக்குநர் பிரேம் குமார்!
புதன் 10, செப்டம்பர் 2025 12:37:31 PM (IST)
பொங்கல் ரிலீஸ் பந்தயத்தில் விஜய் உடன் மோதும் சூர்யா, சிவகார்த்திகேயன் படங்கள்!
செவ்வாய் 9, செப்டம்பர் 2025 4:08:06 PM (IST)
46 ஆண்டுகளுக்குப் பிறகு இணையும் ரஜினி -கமல்!!
திங்கள் 8, செப்டம்பர் 2025 3:52:59 PM (IST)
ரெட் ஜெயண்ட் நிறுவனத்தின் சிஇஓ ஆனார் இன்பன் உதயநிதி!
வியாழன் 4, செப்டம்பர் 2025 12:47:54 PM (IST)
லோகா படத்தில் கன்னடர்களைக் குறித்து சர்ச்சை வசனம்? படத் தயாரிப்பு நிறுவனம் விளக்கம்
புதன் 3, செப்டம்பர் 2025 11:36:17 AM (IST)
