விஜய் - திரிஷா விவகாரம்: இயக்குநர் பார்த்திபனின் கருத்தால் வெடித்த புதிய சர்ச்சை!

நடிகர் விஜய் மற்றும் நடிகை திரிஷா அண்மையில் ஒரு திருமண நிகழ்ச்சியில் ஒன்றாகக் கலந்துகொண்டது சமூக வலைதளங்களில் பெரும் விவாதப் பொருளாகியுள்ளது. விஜய்யின் குடும்ப வாழ்க்கை குறித்துப் பரவி வரும் வதந்திகளுக்கு மத்தியில், இந்தச் சந்திப்பு பல்வேறு விமர்சனங்களை எழுப்பியுள்ளது.

இது குறித்து ஒரு பேட்டியில் கருத்து தெரிவித்த இயக்குநர் பார்த்திபன், "குந்தவை (திரிஷா) வீட்டிலேயே ‘குந்த’ வைத்தால் (அமர்ந்திருந்தால்) நல்லது, வெளியே வந்தால் பிரச்சினைகள் வருகிறது" என்று மறைமுகமாக விமர்சித்தார். இதற்குப் பதிலடி கொடுக்கும் விதமாக, "மைக்கில் பேசுவதெல்லாம் புத்திசாலித்தனமாகாது; மரியாதையற்ற வார்த்தைகள் பேசுபவரின் குணத்தையே காட்டும்" என திரிஷா சமூக வலைதளத்தில் பதிவிட்டார்.

திரிஷாவின் பதிவிற்குப் பின் விளக்கமளித்த பார்த்திபன், "விஜய்க்கு அரசியல் ரீதியாகப் பாதிப்பு ஏற்படும் என்பதாலேயே அவ்வாறு கூறினேன். திரிஷா இவ்வாறு பதிவிடுவார் என்று தெரிந்திருந்தால் நான் மன்னிப்பு கேட்டிருக்க மாட்டேன்" என ஆவேசமாகத் தெரிவித்தார்.

இந்தச் சூழலில், திரிஷா தனது வளர்ப்பு நாய் குறித்த சாதாரணப் பதிவு ஒன்றை வெளியிட, அதற்குக் கீழ் விஜய் ரசிகர்கள் பலர், "உங்கள் செயலால் எங்கள் அண்ணனின் முதலமைச்சர் கனவு பாதிக்கப்படுகிறது" எனத் தங்களது அதிருப்தியைத் தெரிவித்து வருகின்றனர். திரைத்துறை மற்றும் அரசியல் வட்டாரத்தில் இந்த விவகாரம் தொடர்ந்து பரபரப்பை ஏற்படுத்தி வருகிறது.