ஆந்திராவில் ஒரே குடும்பத்தில் 5 பேர் மர்மமான முறையில் உயிரிழப்பு: போலீஸ் விசாரணை!

» செய்திகள் - விளையாட்டு » இந்தியா

ஆந்திராவில் ஒரே குடும்பத்தில் 5 பேர் மர்மமான முறையில் உயிரிழப்பு: போலீஸ் விசாரணை!

வெள்ளி 24, ஏப்ரல் 2026 8:09:32 PM (IST)

ஆந்திர மாநிலம் நகரி அருகே குடும்பத் தகராறு காரணமாகத் தனது மனைவி மற்றும் தாயைக் கொலை செய்த சிமெண்ட் வியாபாரி, பின்னர் இரண்டு குழந்தைகளுடன் ரயில் முன் பாய்ந்து தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.

ஆந்திர மாநிலம், நாராயணவனம் மண்டலம் வெங்கடகிருஷ்ணா பாளையத்தைச் சேர்ந்தவர் மோகன் (45). இவர் சிமெண்ட் கடை நடத்தி வந்தார். இவரது மனைவி ஹரிதா (33) அழகு நிலையம் நடத்தி வந்தார். இவர்களுக்குக் கௌசிக் (14) என்ற மகனும், ஹரிணி (12) என்ற மகளும் இருந்தனர். மோகன் தனது தாய் சந்திரகலாவுடன் (65) ஒரே வீட்டில் வசித்து வந்தார்.

நேற்று முன்தினம் மோகனின் மைத்துனர் பாலகிருஷ்ணா வீட்டிற்குச் சென்று பார்த்தபோது, அக்காள் ஹரிதாவும், தாய் சந்திரகலாவும் ரத்த வெள்ளத்தில் பிணமாகக் கிடப்பதைக் கண்டு அதிர்ச்சியடைந்தார். மோகனின் செல்போன் சுவிட்ச் ஆஃப் செய்யப்பட்டிருந்ததால், உடனடியாகப் போலீசாருக்குத் தகவல் தெரிவிக்கப்பட்டது.

போலீசார் நடத்திய தேடுதல் வேட்டையில், மாயமான மோகன் மற்றும் அவரது இரு குழந்தைகள் அருகில் உள்ள ரயில் தண்டவாளத்தில் பிணமாகக் கண்டெடுக்கப்பட்டனர். மோகன் தனது தாய் மற்றும் மனைவியைக் கொன்றுவிட்டு, குழந்தைகளுடன் ரயில் முன் பாய்ந்து உயிரை மாய்த்துக் கொண்டது முதற்கட்ட விசாரணையில் தெரியவந்துள்ளது.

ஒரே குடும்பத்தைச் சேர்ந்த 5 பேர் உயிரிழந்த சம்பவம் அந்தப் பகுதியில் சோக அலையை ஏற்படுத்தியுள்ளது. தொழில் நஷ்டம் காரணமா அல்லது குடும்பத் தகராறா? இந்த விபரீத முடிவுக்கு உண்மையான காரணம் என்ன என்பது குறித்துப் போலீசார் தீவிர விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஆந்திராவில் ஒரே குடும்பத்தில் 5 பேர் மர்மமான முறையில் உயிரிழப்பு: போலீஸ் விசாரணை!

» செய்திகள் - விளையாட்டு » இந்தியா