திருநெல்வேலியில் போதையில்லாத தமிழகத்தை உருவாக்க கல்லூரி மாணவிகள் விழிப்புணர்வு பேரணி

வல்லநாடு துளசி கல்விக் குழுமம் மற்றும் எம்பவர் இந்தியா சமூக செயல்பாட்டு அமைப்பு ஆகியவற்றின் சார்பில் போதையில்லாத தமிழகம் குறித்த விழிப்புணர்வு பேரணி திருநெல்வேலியில் நடைபெற்றது. 

இந்த பேரணியை எம்பவர் இந்தியா கௌரவச் செயலாளர் மற்றும் தூத்துக்குடி மாவட்ட நுகர்வோர் குறைதீர் ஆணைய உறுப்பினர் ஆ.சங்கர் துவக்கி வைத்தார். துளசி கல்விக் குழுமத்தின் நிர்வாக அதிகாரி பேராசிரியர் அறிவழகன் முன்னிலை வகித்தார். பேரணியானது திருநெல்வேலி அரசு சட்டக் கல்லூரியிலிருந்து தொடங்கி சமாதானபுரத்தில் நிறைவடைந்தது. பேரணியில் பேராசிரியை வள்ளித்தாய் மற்றும் 200க்கும் மேற்பட்ட மாணவிகள், பேராசிரியர்கள் கலந்து கொண்டனர்.