மேலப்பாளையத்தில் நாகர்கோவில்-கோவை ரயில் நிறுத்தம் : பயணிகள் வரவேற்பு

மேலப்பாளையத்தில் நாகர்கோவில்-கோவை ரயில் நின்று செல்ல நடவடிக்கை எடுக்கப்பட்டுள்ளதால் பயணிகள் மகிழ்ச்சி அடைந்துள்ளனர்.

கோவையில் இருந்து நாகர்கோவிலுக்கு செல்லும் விரைவு ரயில் மேலப்பாளையம் ரயில் நிலையத்தில் நின்று செல்ல வேண்டும் என்பது பொதுமக்களின் நீண்டநாள் கோரிக்கையாக இருந்து வந்தது. இதுகுறித்து பொதுமக்கள் விடுத்த கோரிக்கையின் அடிப்படையில் ராபர்ட் புரூஸ் எம்.பி. மேலப்பாளையத்தில் ரயில் நின்று செல்ல நடவடிக்கை மேற்கொண்டார்.

இதன்பலனாக நாகர்கோவிலில் இருந்து கோவைக்கு புறப்பட்ட ரயில் நேற்று காலை 9 மணிக்கு மேலப்பாளையம் ரயில் நிலையத்துக்கு வந்து நின்றது. இதனால் பயணிகள் மகிழ்ச்சியடைந்தனர். ரயில் ஓட்டுனர்களுக்கு மேலப்பாளையம் ரயில் பயணிகள் மற்றும் வியாபாரிகள் சங்கத்தினர் சார்பில் சால்வை அணிவித்து இனிப்பு வழங்கப்பட்டது. நிகழ்ச்சியில் ரயில் பயணிகள் சங்க நிர்வாகிகள் முத்துவேல், முகம்மது கக்கூர், காதர் மைதீன், நசுருல்லா வக்கீல் மதார் மைதீன் உட்பட பலர் கலந்து கொண்டனர்.