சிறப்பாகப் பணியாற்றிய மருத்துவர்களுக்கு விருது : ஆட்சியர் இரா.சுகுமார் வழங்கினார்

திருநெல்வேலி மாவட்டத்தில் மருத்துவத் துறையில் சிறப்பாகப் பணியாற்றியவர்களுக்கு மாவட்ட ஆட்சியர் இரா.சுகுமார் விருது வழங்கிக் கௌரவித்தார்.

மாசுக்கட்டுப்பாட்டு வாரியம் சார்பில் சுற்றுச்சூழலை மேம்படுத்தப் பாடுபட்டவர்களுக்கு தலா ரூ. 1 லட்சம் காசோலை மற்றும் பாராட்டுச் சான்றிதழ்களை ஆட்சியர் வழங்கினார். அதிக மரக்கன்றுகளை நட்டுப் பராமரித்தமைக்காகவும், தாமிரபரணி ஆற்றில் சேரும் துணிகளைத் தன்னார்வலராக அகற்றிச் சேவையாற்றியமைக்காகவும் இவ்விருது வழங்கப்பட்டது.

கங்கைகொண்டான் சிப்காட் ஏடிசி டயர்ஸ் (ATC Tires): நீடித்த நிலையான வளர்ச்சிக்கு உறுதுணையாக இருந்தமைக்காகப் பாராட்டு தெரிவிக்கப்பட்டது. பாளையங்கோட்டை புனித இக்னேசியஸ் கான்வென்ட் மேல்நிலைப்பள்ளி: பள்ளியில் நெகிழி (Plastic) பயன்பாட்டைத் தவிர்த்து, மாற்றுப் பொருட்களைப் பயன்படுத்த மாணவர்களிடம் விழிப்புணர்வு ஏற்படுத்தியமைக்காக விருது வழங்கப்பட்டது.

குடும்ப நலத்துறை சார்பில் ஆண்டுதோறும் கருத்தடை, மயக்கவியல் மற்றும் குடும்ப நல ஆலோசனை ஆகிய பிரிவுகளில் சிறப்பாகச் செயல்படும் மருத்துவ அலுவலர்களுக்கு விருதுகள் வழங்கப்பட்டு வருகின்றன. அந்த வகையில், 2024-2025-ஆம் ஆண்டில் சிறப்பாகப் பணியாற்றிய மார்டின், சாந்தி சுசீந்திரன், ஹேனா விர்ஜினியா சாந்தி, முத்துலெட்சுமி, ரேவதி, மகேஷ்வரி ஆகிய மருத்துவர்களுக்குக் கேடயமும் பாராட்டுச் சான்றிதழும் வழங்கப்பட்டன.

இந்த நிகழ்வில், மாசுக்கட்டுப்பாட்டு வாரியச் செயற்பொறியாளர்  கிருஷ்ணபாபு, உதவிச் செயற்பொறியாளர் . ஜெயபிரியா, சுகாதாரப்பணிகள் இணை இயக்குநர் மரு. லதா, மாவட்ட விரிவாக்க கல்வியாளர்  சோ. ஜெயசித்ரா உள்ளிட்ட அரசு அலுவலர்கள் பலர் கலந்து கொண்டனர்.