ஆசாரிப்பள்ளம் பழமையான தேவாலயத்தில் குருத்தோலை ஞாயிறு சிறப்பு வழிபாடு!

» செய்திகள் - விளையாட்டு » மாவட்ட செய்தி (திருநெல்வேலி)

ஆசாரிப்பள்ளம் பழமையான தேவாலயத்தில் குருத்தோலை ஞாயிறு சிறப்பு வழிபாடு!

ஞாயிறு 29, மார்ச் 2026 10:57:23 AM (IST)

ஆசாரிப்பள்ளம் மேலப்பெருவிளை பகுதியில் அமைந்துள்ள 332 ஆண்டுகள் பழமையான புனித ஜெபமாலை அன்னை தேவாலயத்தில் இன்று குருத்தோலை ஞாயிறு சிறப்பு வழிபாடுகள் நடைபெற்றது.

இயேசு கிறிஸ்து எருசலேம் நகருக்குள் வெற்றி வீரராக நுழைந்ததை நினைவு கூரும் 'குருத்தோலை ஞாயிறு' திருநாள் இன்று நாடு முழுவதும் விமரிசையாகக் கொண்டாடப்படுகிறது. இதன் மூலம் கிறிஸ்தவர்களின் 40 நாள் தவக்காலத்தின் முக்கிய வாரமான 'புனித வாரம்' இன்று முதல் தொடங்குகிறது.

கன்னியாகுமரி மாவட்டத்தின் வரலாற்றுச் சிறப்புமிக்க தேவாலயங்களில் ஒன்றான, ஆசாரிப்பள்ளம் அடுத்த மேலப்பெருவிளை பகுதியில் அமைந்துள்ள 332 ஆண்டுகள் பழமையான புனித ஜெபமாலை அன்னை தேவாலயத்தில் இன்று காலை முதலே சிறப்பு வழிபாடுகள் தொடங்கின.

ஆலய வளாகத்தில் திரண்டிருந்த ஆயிரக்கணக்கான விசுவாசிகள், தங்கள் கைகளில் குருத்தோலைகளை ஏந்தி, பக்திப் பாடல்களைப் பாடியபடி தேவாலயத்தைச் சுற்றி ஊர்வலமாக வந்தனர். 2000 ஆண்டுகளுக்கு முன்பு எருசலேம் மக்கள் இயேசுவை வரவேற்ற நிகழ்வை இது நினைவூட்டும் வகையில் அமைந்தது.

பவனியைத் தொடர்ந்து ஆலயத்தில் விசேஷ கூட்டுத் திருப்பலி நடைபெற்றது. இதில் பங்கேற்ற பக்தர்கள் குடும்ப நலன் மற்றும் வளம் வேண்டியும், சமூக ஒற்றுமை நிலைக்க வேண்டியும், நாட்டின் அமைதி மற்றும் நல்வாழ்விற்காகவும் பிரார்த்தனை செய்தனர். புனித வாரத்தின் தொடக்கமான இன்று மாவட்டம் முழுவதிலும் உள்ள பல்வேறு கத்தோலிக்க மற்றும் சி.எஸ்.ஐ தேவாலயங்களிலும் இதேபோன்ற குருத்தோலை பவனிகள் நடைபெற்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஆசாரிப்பள்ளம் பழமையான தேவாலயத்தில் குருத்தோலை ஞாயிறு சிறப்பு வழிபாடு!

» செய்திகள் - விளையாட்டு » மாவட்ட செய்தி (திருநெல்வேலி)