அமலி பள்ளி ஆசிரியை இனிகோவுக்கு வெற்றி விழா

திருநெல்வேலி மாவட்டம் விக்கிரமசிங்கபுரம் இருதய குளத்தின் பாரம்பரியமான பள்ளி "அமலி மகளிர் மேல்நிலைப்பள்ளி”. அருட் சகோதரிகள் அன்பாலும், ஆற்றலாலும் பிரகாசிக்கும் மகளிர் கல்விக்கூடம். சாதாரண அடித்தட்டு மக்களுக்கு, ஏழை பெற்றோரின் குழந்தைகளுக்கு அமலி பள்ளி ஒரு போதிமரம். இங்கு தொழிற்கல்வி ஆசிரியராக 37 ஆண்டுகளாக கல்விச் சேவையாற்றியவர் மரிய இனிகோ. 

1989 ல் துவங்கிய ஆசிரியர் பணியை 2026 ல் நிறைவு செய்த மரிய இன்கோவிற்கு வெற்றி விழா அம்பையில் எடுக்கப்பட்டது. ஆயிரக்கணக்கான ஏழை மாணவியரை கல்விக் கரையேற்றிய அமலி பள்ளி ஆசிரியருக்கு ஊர் கூடி வாழ்த்தையும் பாராட்டையும் தெரிவித்தது. பள்ளித் தலைமையாசிரியை அருட் சகோதரி சூ. அருள் மேரி, தாளாளர் அருட் சகோதரி இருதய மேரி ஓய்வு பெற்ற ஆசிரியை மரிய இனிகோவிற்கு வெற்றித் திலகமிட்டு வாழ்த்தினர். அருள் தந்தை அருள் அம்புரோஸ் வாழ்த்துச் செய்தி வழங்கினார். 

சமூக நல ஆர்வலர் வெங்காடம்பட்டி பூ. திருமாறன் மரிய இனி கோவை வாழ்த்தி பேசினார். கணவர் சேவியர், மகன் டாக்டர். அம்ரிஷ், மருமகள் டாக்டர். சுஜில், மகள்கள் ஜெனி, டிரினி, மருமகன்கள் ஜான் கிளைட்டன், விகார் நிகழ்ச்சி ஏற்பாடுகளைச் செய்திருந்தனர். வி கே புரம் வட்டார முக்கியஸ்தர்கள், நண்பர்கள், ஆசிரியர்கள், சமூக சேவகர்கள், முன்னாள் மாணவியர், அரிமாக்கள், ஓய்வு பெற்ற ஆசிரியர்கள் நிகழ்வில் கலந்து கொண்டனர். அருட் சகோதரி பவுலின் அமுதா, கிரிக்கெட் மூர்த்தி, தொழிலதிபர் மார்ட்டின், அம்பை காந்தி கலந்து கொண்டனர். ஒரு உதாரண ஆசிரியராக இனிகோ அரங்கில் அடையாளப்படுத்தப்பட்டார். பணி நிறைவு பாராட்டு விழாவை வெற்றி விழாவாக வித்தியாசமாக நடத்திக் காட்டியது வெகுவாக பேசப்பட்டது.