அரசு நேரடி நெல் கொள்முதல் நிலைய பணிகளை கண்காணிக்க சிறப்பு கண்காணிப்புக் குழு நியமனம்

» செய்திகள் - விளையாட்டு » மாவட்ட செய்தி (திருநெல்வேலி)

அரசு நேரடி நெல் கொள்முதல் நிலைய பணிகளை கண்காணிக்க சிறப்பு கண்காணிப்புக் குழு நியமனம்

செவ்வாய் 21, ஜூலை 2026 12:05:47 PM (IST)

திருநெல்வேலி மாவட்டத்தில் அரசு நேரடி நெல் கொள்முதல் நிலைய பணிகளை கண்காணிக்க சிறப்பு கண்காணிப்புக் குழு அமைக்கப்பட்டுள்ளதாக மாவட்ட ஆட்சித்தலைவர் ஆனந்த் மோகன் தெரிவித்துள்ளார்.

திருநெல்வேலி மாவட்டத்தில் நடப்பு கோடை பருவம் 2026-இல் பயிர் செய்யப்பட்டு அறுவடையாகும் நெல்லினை விவசாயிகளிடமிருந்து கொள்முதல் செய்வதற்கு 11 இடங்களில் அரசு நேரடி நெல் கொள்முதல் நிலையங்கள் திறக்கப்பட்டு தமிழ்நாடு நுகர்பொருள் வாணிபக் கழகம் மூலம் கொள்முதல் செய்யப்பட்டு வருகிறது. அதன் செயல்பாடுகளை ஆய்வு செய்திட சிறப்பு கண்காணிப்புக் குழு மாவட்ட ஆட்சியர் அவர்களால் அமைக்கப்பட்டுள்ளது.

அரசு நேரடி நெல் கொள்முதல் நிலையங்களில் எழும் குறைபாடுகளை நீக்கி, சிறப்பாக செயல்படுவதற்கு ஏதுவாக வருவாய்த் துறை, தமிழ்நாடு நுகர்பொருள் வாணிபக் கழகம், வேளாண்மைத் துறை சார்ந்த அலுவலர்கள் கொண்ட சிறப்பு கண்காணிப்புக் குழு நியமிக்கப்பட்டுள்ளது.

மேலும் அரசு நேரடி நெல் கொள்முதல் நிலையங்களில் எழும் புகார்களை தெரிவிக்க மாவட்ட ஆட்சியரின் நேர்முக உதவியாளர் (வேளாண்மை) திருநெல்வேலி -94420 25935, வேளாண்மை அலுவலர் - 95430 13223 வாட்ஸ்அப் எண்ணிற்கு குறுஞ்செய்தி அனுப்பலாம்.

நெல் கொள்முதல் தொடர்பாக விவசாயிகள் புகார் தெரிவிக்கும் வகையில் கட்டணமில்லா தொலைபேசி எண் 1800 599 3540 மற்றும் தொடர்பு கொள்ள வேண்டிய துறை உயர் அலுவலர்களின் அலைபேசி எண்கள் கொண்ட அறிவிப்பு பதாகையும் புகார் பெட்டியும் ஒவ்வொரு நெல் கொள்முதல் நிலையத்திலும் வைப்பதற்கு நடவடிக்கைகள் எடுக்கப்பட்டுள்ளது.

நெல் கொள்முதல் பணி நிறைவடையும் வரை, வாரத்திற்கு ஒருமுறை ஆய்வு செய்து நடவடிக்கைகள் மேற்கொள்ளப்படவும், குழு ஆய்வின் போது கண்டறியப்பட்ட குறைபாடுகளை உடனடியாக சரிசெய்திடவும் கண்காணிப்புக்குழு அலுவலர்களுக்கு அறிவுறுத்தப்பட்டுள்ளது.

கொள்முதல் தொடர்பாக புகார் வரும் பட்சத்தில் சம்பந்தப்பட்ட நபர்கள் மீது கடும் நடவடிக்கை எடுக்கப்படும் என மாவட்ட ஆட்சித்தலைவர் ஆனந்த் மோகன் தெரிவித்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

அரசு நேரடி நெல் கொள்முதல் நிலைய பணிகளை கண்காணிக்க சிறப்பு கண்காணிப்புக் குழு நியமனம்

» செய்திகள் - விளையாட்டு » மாவட்ட செய்தி (திருநெல்வேலி)