முன்னாள் அமைச்சா் இந்திரகுமாரி காலமானார் : முதல்வர் ஸ்டாலின் இரங்கல்

முன்னாள் அமைச்சரும், திமுக இலக்கிய அணி தலைவருமான இந்திரகுமாரி (73) உடல்நலக் குறைவு காரணமாக சென்னையில் காலமானாா்.

சிறுநீரகக் கோளாறு உள்ளிட்ட உடல்நல பாதிப்புகளால் சில காலமாக மருத்துவ சிகிச்சை பெற்றுவந்த இந்திரகுமாரி  சிகிச்சை பலனின்றி நேற்று திங்கள்கிழமை இரவு 8.30 மணிக்கு காலமானாா். 

1991-96 காலகட்டத்தில் அப்போதைய முதல்வா் ஜெயலலிதா அமைச்சரவையில் சமூக நலன் மற்றும் சத்துணவுத் திட்டத் துறை அமைச்சராக இந்திரகுமாரி பணியாற்றினாா். பின்னா், 2006-ஆம் ஆண்டு அதிமுகவிலிருந்து விலகி திமுகவில் இணைந்த அவா், திமுக இலக்கிய அணி தலைவராகச் செயல்பட்டு வந்தாா். 

தமிழக முதல்-அமைச்சர் மு.க.ஸ்டாலின் வெளியிட்ட இரங்கல் செய்தியில் கூறியிருப்பதாவது: தி.மு.க. இலக்கிய அணி தலைவர் இந்திரகுமாரி, மறைந்த துயர செய்தி வந்து சோகத்தில் ஆழ்த்தியது. நெடிய அரசியல் அனுபவம் கொண்டவரான இந்திரகுமாரி, தமிழக அமைச்சரவையில் இடம் பெற்று மக்களுக்கு பணியாற்றியவர். தீராத தமிழ் புற்றுடன் இலக்கிய வெளியில் இயங்கியவர். அவரது மறைவு தி.மு.க.வுக்கும், இலக்கிய உலகுக்கும் பேரிழப்பாகும்.