» செய்திகள் - விளையாட்டு » தமிழகம்
தமிழக உள் மாவட்டங்களில் வெப்பநிலை உயரக் கூடும்: அடுத்த 5 நாட்களுக்கு வெப்ப அலை வீசும்
வெள்ளி 26, ஏப்ரல் 2024 4:33:48 PM (IST)
தமிழக உள் மாவட்டங்களில் வெப்பநிலை உயரக்கூடும், அடுத்த 5 நாட்களுக்கு வெப்ப அலை வீசும் என்று வானிலை ஆய்வு மையம் தெரிவித்துள்ளது.
இது தொடர்பாக சென்னை வானிலை ஆய்வு மையம் வெளியிட்டுள்ள அறிக்கையில், "தமிழக பகுதிகளின் மேல் வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. இதனால் இன்று முதல்முதல் 29-ந்தேதி வரை தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.
30.04.2024 மற்றும் 01.05.2024: மேற்கு தொடர்ச்சி மலை மாவட்டங்கள், கன்னியாகுமரி மற்றும் திருநெல்வேலி மாவட்டங்களில் ஓரிரு இடங்களில் லேசான மழை பெய்யக்கூடும். ஏனைய தமிழக மாவட்டங்கள், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.
02.05.2024: மேற்கு தொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் லேசான மழை பெய்யக்கூடும். ஏனைய தமிழக மாவட்டங்கள், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.
அடுத்த ஐந்து தினங்களுக்கான அதிகபட்ச வெப்பநிலை பற்றிய முன்னறிவிப்பு:
26.04.2024 முதல் 30.04.2024 வரை தமிழக உள் மாவட்டங்களில் அடுத்த ஐந்து தினங்களில் அதிகபட்ச வெப்பநிலை 2° செல்சியஸ் வரை படிப்படியாக உயரக்கூடும்.
வட தமிழக உள் மாவட்டங்களில் அடுத்த ஐந்து தினங்களில் அதிகபட்ச வெப்பநிலை 3°-5° செல்சியஸ் இயல்பை விட அதிகமாக இருக்கக்கூடும்.
அதிகபட்ச வெப்பநிலை வட தமிழக உள் மாவட்டங்களின் ஒருசில இடங்களில் 39°-42° செல்சியஸ், இதர தமிழக மாவட்டங்கள், புதுவை மற்றும் காரைக்கால் பகுதிகளில் 35°-39° செல்சியஸ் இருக்கக்கூடும்.
ஈர்ப்பதம்: 26.04.2024 முதல் 30.04.2024 : காற்றின் ஈரப்பதம் தமிழக உள் மாவட்டங்களின் சமவெளி பகுதிகளில் பிற்பகலில் 30-50% ஆகவும், மற்ற நேரங்களில் 40-75% ஆகவும் மற்றும் கடலோரப்பகுதிகளில் 50-80% ஆகவும் இருக்கக்கூடும்.
வெப்ப அலை பற்றிய முன்னெச்சரிக்கை:
26.04.2024 முதல் 30.04.2024 வரை: அடுத்த ஐந்து தினங்களில் வட தமிழக உள் மாவட்டங்களில் ஓரிரு இடங்களில் வெப்ப அலை வீசக்கூடும்.
இதர தமிழக மாவட்டங்கள், புதுவை மற்றும் காரைக்கால் பகுதிகளில் அதிக வெப்பநிலை மற்றும் அதிக ஈரப்பதம் இருக்கும் பொழுது ஓரிரு இடங்களில் அசௌகரியம் ஏற்படலாம்.
சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36-37 டிகிரி செல்சியஸை ஒட்டியும், குறைந்தபட்ச வெப்பநிலை 27-28 டிகிரி செல்சியஸை ஒட்டியும் இருக்கக்கூடும்.
மக்கள் கருத்து
மேலும் தொடரும் செய்திகள்
தமிழ்நாடு மெர்க்கன்டைல் வங்கியின் 557வது மற்றும் 558வது புதிய கிளைகள் திறப்பு விழா
திங்கள் 6, மே 2024 5:54:42 PM (IST)
நாய் கடித்து குதறிய 5 வயது சிறுமிக்கு தீவிர சிகிச்சை; உரிமையாளர்கள் 3 பேர் கைது
திங்கள் 6, மே 2024 5:21:33 PM (IST)
கடல் சீற்றம்: அசம்பாவிதங்களை தடுக்க சுற்றுலாப் பயணிகளுக்கு ஆட்சியர் வேண்டுகோள்!
திங்கள் 6, மே 2024 5:13:24 PM (IST)
ராட்சத அலையில் சிக்கி பயிற்சி டாக்டர்கள் 5பேர் பலி : நாகர்கோவில் அருகே சோகம்!
திங்கள் 6, மே 2024 4:28:43 PM (IST)
தூத்துக்குடியில் மனைவியை வெட்டிக் கொன்ற கணவர் : நடத்தை சந்தேகத்தில் பயங்கரம்!!
திங்கள் 6, மே 2024 4:24:36 PM (IST)
வீடு புகுந்து அரிவாளை காட்டி மிரட்டி 15 பவுன் நகை கொள்ளை: போலீஸ் விசாரணை
திங்கள் 6, மே 2024 3:05:09 PM (IST)
தூத்துக்குடியில் நீட் தேர்வு மையத்தில் தவறான வினாத்தாள்? மாணவ, மாணவிககள் அதிர்ச்சி!
திங்கள் 6, மே 2024 12:56:40 PM (IST)
Sponsored Ads
