சகாயம் ஐ.ஏ.எஸ்.க்கு தமிழக அரசு பாதுகாப்பு வழங்க வேண்டும்: டியூஜே தலைவர் சுபாஷ் வலியுறுத்தல்!

சகாயம் ஐ.ஏ.எஸ்.க்கு பாதுகாப்பு தரவில்லை என்றால், தமிழக அரசுக்கு எதிராக மாபெரும் போராட்டம் வெடிக்கும் என்று தமிழ்நாடு பத்திரிகையாளர் சங்கத்தின் மாநில தலைவர் டி.எஸ்.ஆர்.சுபாஷ் தெரிவித்துள்ளார்.

இது தொடர்பாக அவர் வெளியிட்ட அறிக்கை அரசின் ஒரு லட்சம் கோடிக்கு மேல் மதிப்பு கொண்ட இயற்கை வளங்களைக் கொள்ளையடித்த சமூக விரோதிகளை நீதிமன்றம் முன்பு நிறுத்திய நேர்மையின் அடையாளம் ஐயா உ.சகாயம் அவர்களுக்கு நாங்கள் அனைவரும் துணையாக இருப்போம்!

இந்த மண்ணைப் பற்றியும், மக்களைப் பற்றியும், கொஞ்சம் கூட கவலைப்படாத ஆட்சியாளர்கள், சமூக விரோதிகளையும், களிம வளக் கொள்ளையர்களையும் பாதுகாக்க துடிக்கும் ஊழல் நிறைந்த அரசால், சகாயம் அவர்களை எப்படி பாதுகாக்க முடியும்? அன்று அரசியலில் ஒரு காமராசர் போல, இன்று அதிகாரிகளில் ஒழுவராக சகாயம் அவர்கள் இருந்து வருகிறார்!

அரசு அவருக்கு பாதுகாப்பு வழங்கவில்லை என்றால், நாம் அனைவருமே அவருக்கு பாதுகாப்பு! சகாயம் அவர்களை நாம் பாதுகாத்தால், அவர் மண்ணும் மலைகளையும் பாதுகாப்பார், நம் இயற்கை நம் சந்த்திகளை வாழ வைக்கும்! சகாயம் அவர்கள் தமிழகத்தின் சொத்து!தமிழக அரசு அவருக்கு பாதுகாப்பு தரவில்லை என்றால், தமிழகத்தில் உள்ள அனைத்து நேர்மையாக அதிகாரிகளையும், சமூக போராளிகளையும், சுற்றுச்சூழல் ஆர்வலர்கள் என அனைவரையும் ஒன்று திரட்டி மாபெரும் போராட்டம் அரசுக்கு எதிராக வெடிக்கும் என்பதை தெரிவித்துக் கொள்கிறோம்! இவ்வாறு அறிக்கையில் தெரிவிக்கப்பட்டுள்ளது.