பிளஸ்-1 மாணவி, தாயாருக்கு சரமாரி அரிவாள் வெட்டு: ஆட்டோ ஓட்டுநர் கைது

» செய்திகள் - விளையாட்டு » தமிழகம்

பிளஸ்-1 மாணவி, தாயாருக்கு சரமாரி அரிவாள் வெட்டு: ஆட்டோ ஓட்டுநர் கைது

திங்கள் 16, மார்ச் 2026 8:00:06 AM (IST)

சாத்தான்குளம் அருகே முன்விரோதம் காரணமாக, பிளஸ்-1 மாணவியையும் அவரது தாயாரையும் அரிவாளால் சரமாரியாக வெட்டிய ஆட்டோ ஓட்டுநரை போலீசார் கைது செய்தனர்.

தூத்துக்குடி மாவட்டம் சாத்தான்குளம் அருகேயுள்ள பூச்சிக்காடு கிராமத்தைச் சேர்ந்தவர் பாக்கியராஜ். இவரது மனைவி ஞானமலர் (45). இவர்களது மகள் மரிய ஜெபராணி, அப்பகுதியில் உள்ள பள்ளியில் பிளஸ்-1 பயின்று வருகிறார். குடும்பப் பிரச்சினை காரணமாக ஞானமலர் தனது கணவரைப் பிரிந்து, மகளுடன் தனியாக வசித்து வருகிறார்.

இதற்கிடையில், பூச்சிக்காடு விலக்கு பகுதியைச் சேர்ந்த ஆட்டோ ஓட்டுநர் லிங்கதுரை (65) என்பவருக்கும், மாணவி மரிய ஜெபராணிக்கும் இடையே ஏற்கனவே சில பிரச்சினைகள் இருந்து வந்துள்ளன. இது தொடர்பாக அவர்களுக்குள் அடிக்கடி தகராறு ஏற்பட்டதாகக் கூறப்படுகிறது.

இந்நிலையில், நேற்று ஞானமலரும் அவரது மகள் மரிய ஜெபராணியும் வெளியூர் செல்வதற்காகப் பேருந்து நிலையத்திற்குச் சென்றுள்ளனர். பூச்சிக்காடு விலக்கு பகுதியில் அவர்கள் பேருந்துக்காகக் காத்திருந்தபோது, அங்கு ஆட்டோவுடன் நின்றிருந்த லிங்கதுரையிடம், "ஏன் என் மகளுடன் தகராறு செய்கிறீர்கள்?" என ஞானமலர் கேட்டுள்ளார்.

இதனால் இருவருக்கும் இடையே கடும் வாக்குவாதம் ஏற்பட்டது. இதில் ஆத்திரமடைந்த லிங்கதுரை, தான் மறைத்து வைத்திருந்த அரிவாளால் ஞானமலர் மற்றும் மரிய ஜெபராணி ஆகிய இருவரையும் சரமாரியாக வெட்டிவிட்டு, தனது ஆட்டோவிலேயே அங்கிருந்து தப்பிச் சென்றார்.

அரிவாள் வெட்டில் பலத்த காயமடைந்து ரத்த வெள்ளத்தில் கிடந்த இருவரையும், அக்கம் பக்கத்தினர் மீட்டு நெல்லை மாவட்டம் திசையன்விளை அரசு மருத்துவமனைக்கு அனுப்பி வைத்தனர். அங்கு அவர்களுக்கு முதலுதவி சிகிச்சை அளிக்கப்பட்டது. பின்னர், மேல் சிகிச்சைக்காக இருவரும் திருநெல்வேலி அரசு மருத்துவமனையில் அனுமதிக்கப்பட்டு தீவிர சிகிச்சை பெற்று வருகின்றனர்.

இச்சம்பவம் குறித்து தட்டார்மடம் காவல் ஆய்வாளர் (பொறுப்பு) இசக்கித்துரை வழக்குப் பதிவு செய்து விசாரணை நடத்தினார். தலைமறைவாக இருந்த ஆட்டோ ஓட்டுநர் லிங்கதுரையை போலீசார் கைது செய்தனர். மக்கள் நடமாட்டம் மிகுந்த பகுதியில் தாய், மகளுக்கு அரிவாள் வெட்டு விழுந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பிளஸ்-1 மாணவி, தாயாருக்கு சரமாரி அரிவாள் வெட்டு: ஆட்டோ ஓட்டுநர் கைது

» செய்திகள் - விளையாட்டு » தமிழகம்