தமிழக அரசின் அறநிலையத் துறை மாநிலக்குழு உறுப்பினராக அர்ச்சனா கல்பாத்தி நியமனம்!

» செய்திகள் - விளையாட்டு » தமிழகம்

தமிழக அரசின் அறநிலையத் துறை மாநிலக்குழு உறுப்பினராக அர்ச்சனா கல்பாத்தி நியமனம்!

திங்கள் 10, ஆகஸ்ட் 2026 4:07:29 PM (IST)

தமிழக அரசின் இந்து சமய அறநிலையத் துறை மாநிலக்குழு உறுப்பினராக திரைப்பட தயாரிப்பாளர் அர்ச்சனா கல்பாத்தி நியமிக்கப்பட்டுள்ளார்.

தமிழ் சினிமாவின் முன்னணித் தயாரிப்பு நிறுவனங்களில் ஒன்றான ஏ.ஜி.எஸ். என்டர்டெயின்மென்ட் நிறுவனத்தின் தலைமைச் செயல் அதிகாரி (CEO) அர்ச்சனா கல்பாத்தி, தமிழக அரசின் இந்து சமய அறநிலையத் துறை மாநிலக்குழு உறுப்பினராக நியமிக்கப்பட்டுள்ளார்.

ஏ.ஜி.எஸ். நிறுவனத்தின் தயாரிப்பில் தற்போதைய தமிழக முதலமைச்சர் சி. ஜோசப் விஜய் நடித்த 'பிகில்', 'கோட்' உள்ளிட்ட திரைப்படங்கள் வெளியாகிப் பெரும் வரவேற்பைப் பெற்றன. இந்நிலையில், தமிழகத்தில் உள்ள திருக்கோவில்களுக்கு மரபுசாரா அறங்காவலர்களை நியமிப்பதற்கான தகுதியான வேட்பாளர்களைத் தேர்வு செய்யும் மாநில அளவிலான குழுவில் தயாரிப்பாளர் அர்ச்சனா கல்பாத்தி உறுப்பினராக நியமிக்கப்பட்டுள்ளார்.

இது தொடர்பாகத் தமிழக அரசு வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது: இந்து சமய அறநிலையத் துறையின் ஆளுகைக்குட்பட்ட, ஆண்டு வருமானம் ரூ. 10 லட்சத்திற்கு மேலுள்ள திருக்கோவில்களுக்குப் பரம்பரை முறைவழி சாரா அறங்காவலர்களை நியமனம் செய்யத் தகுதி வாய்ந்த விண்ணப்பதாரர்களைத் தேர்வு செய்து பெயர்ப்பட்டியல் அளிப்பதற்காக மாநிலக்குழு அமைத்து அரசு ஆணையிடுகிறது.

குழு உறுப்பினர்கள் விவரம்:

தலைவர்: தவத்திரு சிவஞான பாலய சுவாமிகள் (பொம்மபுரம் ஆதீனம், மயிலம்)

துணைத் தலைவர்: டாக்டர் கே. ராமநாதன் (ஓய்வுபெற்ற மாவட்ட மற்றும் அமர்வு நீதிபதி)

உறுப்பினர்கள்:

அர்ச்சனா கல்பாத்தி அகோரம் (திரைப்படத் தயாரிப்பாளர்)

ப. ரா. சம்பத், இ.ஆ.ப. (ஓய்வுபெற்ற ஐ.ஏ.எஸ். அதிகாரி)

மா. சுமதி (எ) சுமதிஸ்ரீ

த. வேல்முருகன்

பதவி வழி உறுப்பினர் / செயலர்: இந்து சமய அறநிலையத் துறை ஆணையர்

இவ்வாறு அரசு செய்திக்குறிப்பில் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தமிழக அரசின் அறநிலையத் துறை மாநிலக்குழு உறுப்பினராக அர்ச்சனா கல்பாத்தி நியமனம்!

» செய்திகள் - விளையாட்டு » தமிழகம்