விஜய்யுடன் இணைந்து படம் பண்ணுவேன்: இயக்குநர் வெற்றிமாறன் உறுதி!

நிச்சயம் விஜய்யுடன் இணைந்து படம் பண்ணுவேன் என இயக்குநர் வெற்றிமாறன் தெரிவித்தார்.

தற்போது இயக்குநர் வெற்றிமாறன் விடுதலை படத்தின் இரண்டாம் பாகத்தின் படப்பிடிப்பில் பிசியாக இருக்கிறார். விடுதலை 2, வாடிவாசல், வடசென்னை 2 ஆகிய படங்களை முடித்த பின்பு நடிகர் விஜய்யுடன் இயக்குநர் வெற்றிமாறன் இணைய உள்ளதாக கூறப்படுகிறது. நிகழ்ச்சி ஒன்றில் கலந்துகொண்ட இயக்குநர் வெற்றிமாறன் வாடிவாசல்,வடசென்னை குறித்த தகவல்களை பகிர்ந்துகொண்டார். அப்போது நடிகர் விஜய்யை வைத்து படம் இயக்குவாரா என்கிற கேள்விக்கு பதிலளித்த வெற்றிமாறன்.

"நடிகர் விஜய்யும் நானும் இணைந்து படம் பண்ணுவது குறித்து நீண்ட நாட்களாக பேசி வருகிறோம். அவரும் என் படத்தில் நடிக்க தயாராக உள்ளார். கைவசம் உள்ள படங்களை முடித்த பின் நிச்சயம் விஜய்யுடன் இணைவேன். அந்த நேரம் நான் சொல்லும் கதை அவருக்கு பிடிக்க வேண்டும்!" என கூறினார்.

விஜய் தற்போது லோகேஷ் கனகராஜ் இயக்கியிருக்கும் லியோ திரைப்படத்தில் நடித்து வருகிறார். இதில் கதாநாயகியாக நடிகை திரிஷா நடித்துள்ளார். மேலும் சஞ்சய் தத், சாண்டி மாஸ்டர், இயக்குநர்கள் கவுதம் மேனன், மிஷ்கின் மற்றும் அர்ஜூன், பிரியா ஆனந்த், மன்சூர் அலிகான், மேத்யூ தாமஸ், ஜோஜூ ஜார்ஜ் உள்ளிட்ட பல முன்னணி நட்சத்திரங்களும் இணைந்துள்ளனர். அனிருத் இப்படத்துக்கு இசையமைத்துள்ளார்.