» சினிமா » செய்திகள்
விஜய் நடிக்கும் புதிய படம் போஸ்டர் வெளியீடு: அடுத்த ஆண்டு அக்டோபரில் ரிலீஸ்!
ஞாயிறு 15, செப்டம்பர் 2024 10:15:03 AM (IST)
விஜய் நடிக்கும் புதிய படத்தை எச்.வினோத் இயக்குகிறார். இந்த நிலையில் தீப்பந்தத்தை கையில் ஏந்தியபடியான படத்தின் போஸ்டர் வெளியிடப்பட்டுள்ளது.
தமிழ் சினிமாவின் முன்னணி நடிகரான விஜய், தமிழக வெற்றிக் கழகம் என்ற கட்சியை தொடங்கி உள்ளார். கட்சி தொடங்கியபோது ‘தி கோட்' படத்தில் நடித்து வந்தார். ‘தி கோட்' படத்தையும், கைவசம் உள்ள இன்னொரு புதிய படத்தையும் முடித்துவிட்டு தீவிர அரசியலில் ஈடுபட போவதாக விஜய் அறிவித்து பரபரப்பு ஏற்படுத்தினார்.
‘தி கோட்' படம் ரிலீசான நிலையில், விஜய்யின் அடுத்த படம் (69-வது படம்) குறித்த எதிர்பார்ப்பு எழுந்தது. இந்த நிலையில் விஜய்யின் புதிய படத்துக்கான அறிவிப்பு நேற்று மாலை வெளியானது. விஜய்யின் 69-வது படத்தை எச்.வினோத் இயக்குகிறார். வெங்கட் கே.நாராயணா தயாரிப்பில் உருவாகும் இந்த படத்துக்கு அனிருத் இசையமைக்கிறார். தீப்பந்தத்தை கையில் ஏந்தியபடியான படத்தின் போஸ்டரும் வெளியானது.
‘ஜனநாயகத்தின் ஒளி விளக்கை ஏற்றுபவன்' என்ற அடைமொழியும் அதில் குறிப்பிடப்பட்டுள்ளது. இந்த புதிய படத்தின் படப்பிடிப்பு அடுத்த மாதம் (அக்டோபர்) தொடங்கி, படம் 2025-ம் ஆண்டு அக்டோபரில் வெளியாகும் என்றும் அறிவிக்கப்பட்டுள்ளது. இதர நடிகர்-நடிகைகள் குறித்த விவரம் விரைவில் அறிவிக்கப்பட இருக்கிறது. இது விஜய் ரசிகர்களுக்கு கொண்டாட்ட தகவலாக நேற்று அமைந்தது.
இந்த புதிய படத்தின் மூலம் விஜய்-எச்.வினோத் கூட்டணி முதன் முறையாக கைகோர்க்க இருக்கிறார்கள். எச்.வினோத் இயக்கத்தில் ‘சதுரங்க வேட்டை', ‘தீரன் அதிகாரம் ஒன்று' ‘நேர்கொண்ட பார்வை', ‘வலிமை', ‘துணிவு' ஆகிய படங்கள் இதற்கு முன்பாக வெளியாகி உள்ளன. விஜய்யின் புதிய படத்தில் அரசியல் பற்றி கருத்து சொல்லப்பட்டிருக்குமோ... என விஜய் ரசிகர்கள் மத்தியில் எதிர்பார்ப்பு எழுந்துள்ளது.
மக்கள் கருத்து
மேலும் தொடரும் செய்திகள்
சிவகார்த்திகேயன் - வெங்கட் பிரபு திரைப்படம் ட்ராப்? சேயோன் முடிவால் திடீர் திருப்பம்!
சனி 28, மார்ச் 2026 10:51:11 AM (IST)
விஜய் - த்ரிஷா விவகாரம்: மனதில் பட்டதை பேசியதாக சமுத்திரக்கனி விளக்கம்!
புதன் 25, மார்ச் 2026 5:39:37 PM (IST)
நீங்கள் தான் எங்களின் அளவுகோல்: ரஜினியின் பாராட்டுக்கு துரந்தர் 2 இயக்குநர் நெகிழ்ச்சி!
செவ்வாய் 24, மார்ச் 2026 11:20:34 AM (IST)
அடிச்சவன் சொல்ல மாட்டான்.. அடி வாங்குறவனாவது சொல்லணும்! - ஜனநாயகன் குறித்து அமீர் கருத்து!
வெள்ளி 20, மார்ச் 2026 4:54:34 PM (IST)
அடுத்து அரசியல் களம்? சினிமாவிலிருந்து விலகுகிறாரா த்ரிஷா?
வெள்ளி 20, மார்ச் 2026 10:35:50 AM (IST)
மணிரத்னம் - ஏ.ஆர். ரஹ்மான்: 34 ஆண்டுகால இசைப் பயணம் முடிவுக்கு வருகிறதா?
புதன் 18, மார்ச் 2026 11:20:49 AM (IST)
சர்ச்சையான நாயுடு பேச்சு: மன்னிப்பு கோரி விளக்கமளித்தார் நடிகர் பார்த்திபன்!
செவ்வாய் 17, மார்ச் 2026 4:10:24 PM (IST)
