95 ஆண்டுகால வரலாற்றில் முதன்முறை: பிரிட்டன் பூங்காவில் உலக சாதனை படைத்த அரிய பறவை!

» செய்திகள் - விளையாட்டு » உலகம்

95 ஆண்டுகால வரலாற்றில் முதன்முறை: பிரிட்டன் பூங்காவில் உலக சாதனை படைத்த அரிய பறவை!

வெள்ளி 7, ஆகஸ்ட் 2026 12:23:54 PM (IST)

பிரிட்டனில் உள்ள செஸ்டர் விலங்கியல் பூங்காவில், உலகிலேயே மிக அரிய வகையான ஆப்பிரிக்க 'செக்ரட்டரி பேர்ட்' இனத்தைச் சேர்ந்த 5 பறவைக் குஞ்சுகள் ஒரே நேரத்தில் பொரித்துள்ளன. இந்த பூங்காவின் 95 ஆண்டுகால வரலாற்றில் இதுபோன்ற ஒரு நிகழ்வு நடப்பது இதுவே முதல் முறையாகும்.

கடந்த 12 மாதங்களில் ஒட்டுமொத்த ஐரோப்பா முழுவதிலும் உள்ள பல்வேறு பறவைகள் பாதுகாப்பு மையங்களையும் சேர்த்து, வெறும் 3 செக்ரட்டரி பேர்ட் குஞ்சுகள் மட்டுமே பொரித்திருந்தன. ஆனால், தற்போது பிரிட்டனின் இந்த ஒரே பூங்காவில் மட்டும் 5 குஞ்சுகள் வெற்றிகரமாகப் பொரிந்திருப்பது பறவையின ஆர்வலர்கள் மற்றும் ஆராய்ச்சியாளர்களைப் பெரும் ஆச்சரியத்தில் ஆழ்த்தியுள்ளது.

சர்வதேச பறவைகள் இனப்பெருக்கப் பாதுகாப்புத் திட்டத்தின் கீழ் வளர்க்கப்பட்டு வரும் 'ஜான்' மற்றும் 'ஜோலின்' என்ற ஜோடிப் பறவைகளுக்கே இந்த 5 குஞ்சுகளும் பிறந்துள்ளன.ஆப்பிரிக்காவைப் பூர்வீகமாகக் கொண்ட இந்தச் 'செக்ரட்டரி பேர்ட்' பறவைகள், காற்றில் பறந்து வேட்டையாடுவதை விடத் தங்களது நீண்ட கால்களால் தரையில் உள்ள விஷப் பாம்புகளை மிதித்துக் கொன்று வேட்டையாடும் அசாத்திய திறன் கொண்டவை.

தற்போது காடுகளில் இவற்றின் எண்ணிக்கை 6,700-க்கும் குறைவாகச் சரிந்துவிட்டதால், சர்வதேச இயற்கை பாதுகாப்புச் சங்கம் (IUCN) இவற்றை 'அழிந்து வரும் இனம்' என அறிவித்துள்ளது. இந்த இக்கட்டான சூழ்நிலையில், பிரிட்டன் பூங்காவில் ஒரே நேரத்தில் 5 குஞ்சுகள் பிறந்திருப்பது உலகளவில் இயற்கை மற்றும் வன உயிரின ஆர்வலர்களிடையே பெரும் மகிழ்ச்சியையும் நம்பிக்கையையும் ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

நிலவில் மோதியது 'ஸ்பேஸ் எக்ஸ்' ராக்கெட் பாகம்: பூமிக்கு ஆபத்தா? நாசா விளக்கம்!

95 ஆண்டுகால வரலாற்றில் முதன்முறை: பிரிட்டன் பூங்காவில் உலக சாதனை படைத்த அரிய பறவை!

» செய்திகள் - விளையாட்டு » உலகம்