» செய்திகள் - விளையாட்டு » மாவட்ட செய்தி (திருநெல்வேலி)
நிதி நிறுவன உரிமையாளரை மிரட்டி நகை, செல்போன் பறிப்பு: தந்தை-மகன் கைது
வியாழன் 22, ஜனவரி 2026 8:10:07 AM (IST)
நெல்லையில் நிதி நிறுவன உரிமையாளரை மிரட்டி நகை, செல்போன் பறித்த தந்தை- மகனை போலீசார் கைது செய்தனர்.
கரூரைச் சேர்ந்தவர் சரத்குமார் (32). இவர் நெல்லை தெற்கு புறவழிச்சாலையில் குறிச்சி பகுதியில் நிதி நிறுவனம் நடத்தி வருகிறார். நேற்று முன்தினம் இரவு இங்கு மர்மநபர்கள் 2 பேர் வந்தனர். அவர்கள் அரிவாளைக் காட்டி மிரட்டி, சரத்குமார் அணிந்திருந்த 2½ பவுன் தங்க மோதிரம், 5 செல்போன்களை பறித்துக் கொண்டு தப்பி சென்று விட்டனர்.
இதுகுறித்து சரத்குமார் மேலப்பாளையம் காவல் நிலையத்தில் புகார் அளித்தார். போலீஸ் இன்ஸ்பெக்டர் செந்தில் தங்கதுரை வழக்குப்பதிவு செய்து விசாரணை நடத்தினார். அந்த பகுதி கண்காணிப்பு கேமரா காட்சிகளை கைப்பற்றி ஆய்வு செய்தனர்.
போலீஸ் விசாரணையில், சரத்குமாரிடம், கடந்த 2024-ம் ஆண்டு ஆறுமுகசுந்தரம் என்பவர் மோட்டார் சைக்கிள் வாங்குவதற்காக நிதி உதவி பெற்று, இதுவரை செலுத்த வேண்டிய தொகையை திருப்பி செலுத்தவில்லை. இதையொட்டி அந்த மோட்டார் சைக்கிளை சரத்குமார் பறிமுதல் செய்து வைத்துள்ளார்.
இதனால் ஆத்திரமடைந்த ஆறுமுகசுந்தரத்தின் நண்பரான தச்சநல்லூர் சிதம்பர நகரைச் சேர்ந்த மணிகண்டன் (25), அவருடைய தந்தை கணேசன் (60) ஆகியோர் சரத்குமார் அலுவலகத்திற்குள் புகுந்து அவதூறாக பேசி நகை, செல்போன்களை பறித்து சென்றது தெரியவந்தது. இது தொடர்பாக மணிகண்டன், கணேசன் ஆகியோரை போலீசார் கைது செய்து விசாரணை செய்து வருகின்றனர்.
மக்கள் கருத்து
மேலும் தொடரும் செய்திகள்
நெல்லையில் 3 சிறுமிகளுக்குப் பாலியல் வன்கொடுமை: போக்சோ குற்றவாளிக்குத் தூக்குத் தண்டனை!
வியாழன் 12, மார்ச் 2026 8:30:53 PM (IST)
சிறுமியை கடத்திச் சென்று கட்டாயத் திருமணம் : வாலிபருக்கு 10 ஆண்டு சிறை தண்டனை!
வியாழன் 12, மார்ச் 2026 3:28:28 PM (IST)
மண்டல தேர்தல் அலுவலர்களுக்கான பயிற்சி வகுப்பு: ஆட்சியர் சுகுமார் தொடங்கி வைத்தார்
புதன் 11, மார்ச் 2026 4:56:24 PM (IST)
நெல்லையில் 11 இடங்களில் சோதனைச்சாவடி: எல்லை பாதுகாப்பு படையினர் தீவிர வாகன சோதனை!
புதன் 11, மார்ச் 2026 8:40:02 AM (IST)
துணை நடிகைக்கு காதல் தொல்லை கொடுத்த நெல்லை வாலிபர் வெட்டிக்கொலை: 4 பேர் கைது
செவ்வாய் 10, மார்ச் 2026 8:34:31 PM (IST)
காவல்துறையில் குறிப்பிட்ட சமூகத்தின் ஆதிக்கம்? ஷியாம் கிருஷ்ணசாமி குற்றச்சாட்டு!
செவ்வாய் 10, மார்ச் 2026 3:14:37 PM (IST)
நெல்லை - மங்களூரு புதிய ரயில் சேவை: பிரதமர் மோடி நாளை தொடங்கி வைக்கிறார்
செவ்வாய் 10, மார்ச் 2026 7:59:23 AM (IST)
