செல்போன் பார்த்ததைக் கண்டித்த பெற்றோர்: 8ஆம் வகுப்பு மாணவி தூக்கிட்டுத் தற்கொலை!

» செய்திகள் - விளையாட்டு » மாவட்ட செய்தி (திருநெல்வேலி)

செல்போன் பார்த்ததைக் கண்டித்த பெற்றோர்: 8ஆம் வகுப்பு மாணவி தூக்கிட்டுத் தற்கொலை!

ஞாயிறு 5, ஏப்ரல் 2026 9:23:45 AM (IST)

நெல்லையில் செல்போன் பயன்படுத்துவதைக் கண்டித்ததால், மனமுடைந்த 8-ஆம் வகுப்பு மாணவி தூக்கிட்டுத் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.

நெல்லை டவுன் சேரன்மகாதேவி சாலை, முகமது அலி தெருவைச் சேர்ந்தவர் குமார். இவர் பேட்டையில் உள்ள ஒரு முடித்திருத்தும் கடையில் தொழிலாளியாகப் பணியாற்றி வருகிறார். இவரது மனைவி மகாராணி. இவர்களது மகள் முத்துமாரி (13), டவுனில் உள்ள ஒரு மாநகராட்சிப் பள்ளியில் 8-ஆம் வகுப்பு படித்து வந்தார்.

தற்போது பள்ளித் தேர்வுகள் நடைபெற்று வரும் நிலையில், முத்துமாரி பாடங்களைப் படிக்காமல் செல்போனில் நேரத்தைச் செலவிட்டதாகக் கூறப்படுகிறது. இதனைப் பார்த்த அவரது பெற்றோர், தேர்வுக் காலத்தில் செல்போன் பார்க்கக் கூடாது என மென்மையாகக் கண்டித்துள்ளனர்.

இதனால் கடும் விரக்தியடைந்த முத்துமாரி, நேற்று முன்தினம் வீட்டில் யாரும் இல்லாத நேரத்தில் மின்விசிறியில் தூக்கிட்டுத் தற்கொலை செய்துகொண்டார். வேலை முடிந்து வீட்டிற்குத் திரும்பிய பெற்றோர், மகள் உயிரிழந்து கிடப்பதைக் கண்டு அதிர்ச்சியில் கதறி அழுதனர். அவர்களது சத்தம் கேட்டு அக்கம் பக்கத்தினர் அங்கு கூடினர்.

தகவலறிந்து சம்பவ இடத்திற்கு வந்த நெல்லை டவுன் இன்ஸ்பெக்டர் சுரேஷ் மற்றும் போலீசார், முத்துமாரியின் உடலைக் கைப்பற்றிப் பிரேதப் பரிசோதனைக்காகப் பாளையங்கோட்டை அரசு மருத்துவமனைக்கு அனுப்பி வைத்தனர். இது குறித்துப் போலீசார் வழக்குப் பதிவு செய்து விசாரணை நடத்தி வருகின்றனர். சிறிய காரணத்திற்காக ஒரு இளம் உயிர் பறிபோனது அப்பகுதி மக்களிடையே மிகுந்த மனவேதனையை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

செல்போன் பார்த்ததைக் கண்டித்த பெற்றோர்: 8ஆம் வகுப்பு மாணவி தூக்கிட்டுத் தற்கொலை!

» செய்திகள் - விளையாட்டு » மாவட்ட செய்தி (திருநெல்வேலி)