தச்சநல்லூரில் சித்திரை தேரோட்டம் கோலாகலம்: ஆயிரக்கணக்கான பக்தர்கள் தரிசனம்!

» செய்திகள் - விளையாட்டு » மாவட்ட செய்தி (திருநெல்வேலி)

தச்சநல்லூரில் சித்திரை தேரோட்டம் கோலாகலம்: ஆயிரக்கணக்கான பக்தர்கள் தரிசனம்!

வெள்ளி 24, ஏப்ரல் 2026 8:30:07 PM (IST)

நெல்லை அருகே உள்ள தச்சநல்லூர் அருள்மிகு நெல்லையப்பர் - காந்திமதி அம்பாள் திருக்கோவில் சித்திரை பெருந்திருவிழாவின் சிகர நிகழ்ச்சியான தேரோட்டம் இன்று பக்தி பரவசத்துடன் நடைபெற்றது.

இத்திருக்கோவிலின் சித்திரை திருவிழா கடந்த 14-ஆம் தேதி கணபதி ஹோமத்துடன் தொடங்கி, 15-ஆம் தேதி கொடியேற்றத்துடன் விமரிசையாக நடைப்பெற்றது. விழா நாட்களில் தினமும் சுவாமி, அம்பாளுக்குச் சிறப்பு அபிஷேகங்கள், தீபாராதனைகள் மற்றும் இரவில் சப்பர வீதி உலா என ஊரே விழாக்கோலம் பூண்டிருந்தது.

திருவிழாவின் முக்கிய நிகழ்வான தேரோட்டம் இன்று காலை நடைபெற்றது. காலை 9.15 மணியளவில் அலங்கரிக்கப்பட்ட தேரில் சுவாமியும் அம்பாளும் எழுந்தருளினர். தேர் தெற்கு ரத வீதியில் தொடங்கி மேற்கு, வடக்கு மற்றும் கிழக்கு ரத வீதிகள் வழியாக அசைந்தாடி வந்தது. ரத வீதிகளின் இருபுறமும் திரண்டிருந்த ஆயிரக்கணக்கான பக்தர்கள் "நமச்சிவாய" கோஷங்கள் முழங்க வடம் பிடித்துத் தேரை இழுத்தனர்.

வெயிலின் தாக்கத்தைத் தணிக்கும் வகையில் சிவபக்தர்கள் மற்றும் தன்னார்வலர்கள் ரத வீதிகளில் பக்தர்களுக்கு மோர் மற்றும் பானகம் வழங்கினர். தச்சநல்லூர் போலீசார் பாதுகாப்புப் பணியில் ஈடுபட்டனர். முன்னெச்சரிக்கையாகத் தீயணைப்பு வாகனங்களும் தயார் நிலையில் வைக்கப்பட்டிருந்தன.

தேரோட்டம் நிறைவடைந்ததைத் தொடர்ந்து மதியம் பக்தர்களுக்குப் பிரசாதம் வழங்கப்பட்டது. அதனைத் தொடர்ந்து தாமிரபரணி நதிக்கரையில் சுவாமி, அம்பாளுக்குத் தீர்த்தவாரி நிகழ்ச்சி கோலாகலமாக நடைபெற்றது. இந்நிகழ்வில் கோவில் செயல் அலுவலர் சாந்தி தேவி, அர்ச்சகர் ஹரிஹர சர்மா உள்ளிட்ட முக்கியப் பிரமுகர்கள் மற்றும் திரளான பொதுமக்கள் கலந்துகொண்டு சுவாமி தரிசனம் செய்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தச்சநல்லூரில் சித்திரை தேரோட்டம் கோலாகலம்: ஆயிரக்கணக்கான பக்தர்கள் தரிசனம்!

» செய்திகள் - விளையாட்டு » மாவட்ட செய்தி (திருநெல்வேலி)