ரயிலில் கார்களை கொண்டு செல்ல சேவை தொடங்க வேண்டும்: பயணிகள் நலச்சங்கம் கோரிக்கை!

கன்னியாகுமரியிலிருந்து சென்னைக்கு, மும்பைக்கு ரயிலில் கார்களை கொண்டு செல்ல சேவையை ரயில்வே நிர்வாகம் தொடங்க வேண்டும் என குமரி மாவட்ட பயணிகள் நலச்சங்கம் கோரிக்கை விடுத்துள்ளது. 

இதுகுறித்து கன்னியாகுமரி மாவட்ட ரயில்வே பயனீட்டாளர்கள் சங்கம் (KKDRUA) தலைவர் எஸ்.ஆர் ஸ்ரீராம் வெளியிட்டுள்ள அறிக்கையில், "கொங்கன் ரயில்வே கழகம் சார்பாக வணிக வாகனங்களுக்காக ரோ-ரோ சேவையை பல வருடங்களாக இயங்கி வருகிறது. இது மேற்கு மகாராஷ்டிராவிலிருந்து கேரளா வரை பொருட்களை ஏற்றிச் செல்லும் லாரி ஓட்டுநர்களிடையே பிரபலமாக உள்ளது. இது எரிபொருளை மிச்சப்படுத்துவது மட்டுமல்லாமல், பயண நேரத்தையும் போக்குவரத்து நெரிசலும் குறைக்கிறது.

உங்கள் காரை ரயிலில் எடுத்துச் செல்வது, நீண்ட தூரங்களை ஓட்டுதலின் மன அழுத்தமின்றி கடக்க உங்களை அனுமதிக்கிறது. இது நீண்ட சாலை பயணத்தின் தேய்மானத்தில் இருந்து உங்களை காத்து மட்டுமல்லாமல், சாலை நெரிசலையும் சுற்றுச்சூழல் தாக்கத்தையும் குறைக்கிறது, உங்கள் இலக்கை அடைய ஒரு வசதியான மற்றும் சுற்றுச்சூழலுக்கு உகந்த மாற்று வழியை வழங்குகிறது.

தற்போது அடுத்த கட்ட திட்டம் மும்பையிலிருந்து கோவாவுக்கு உங்கள் காரில், ரயிலில் பயணிக்கவும் கொங்கன் ரயில்வே புதிய ரோ-ரோ சேவையை திட்டமிடுகிறது. பண்டிகையின் போது ஏற்படும் கூட்ட நெரிசலை முன்னிட்டு சோதனை ஓட்டம் திட்டமிடப்பட்டுள்ளது. வழக்கமான 10-12 மணி நேர மும்பை-கோவா கார் பயணம் பண்டிகை காலத்தில் போக்குவரத்து நெரிசல்களை எதிர்கொள்கிறது. முன்மொழியப்பட்ட ரோ-ரோ  சேவையுடன், பயணிகள் மன அழுத்தத்தை தவிர்த்து, கார்பன் உமிழ்வை குறைத்து, தங்கள் கார்களில் இருந்தவாறே 24 மணி நேர ரயில் பயணம் அனுபவிக்க முடியும்.

இது மிகவும் வரவேற்க தக்கது ஆகும். ஐரோப்பிய நாடுகளில் இது போன்ற கார்கள் ரயிலில் ஏற்றி ஒரு இடத்திலிருந்து மற்றொரு இடத்திற்கு செல்வது மிகவும் பிரபலம் ஆகும். பல நீண்ட தூர ரயில்கள் வாகனங்கள் சிறப்பு டிரான்ஸ்போர்ட்டர் களில் (பயணிகள் இல்லாமல்) கொண்டு செல்கின்றன. ஒரு சில வழித்தடங்களில் பயணிகள் கார்களின் அமர்ந்து பயணம் செய்கின்றனர்.

இந்த சேவையை பயன்படுத்த, ஓட்டுநர்கள் மும்பையிலிருந்து கோலாட் நிலையத்திற்கு (தோராயமாக 106 கி.மீ) வாகனத்தை ஓட்டி, வாகனத்தை ஏற்றி, பின்னர் ஓய்வெடுக்கலாம், ரயில் மீதியை கவனித்துக்கொள்ளும்!

கோலாட் மற்றும் மங்களூருக்கு இடையேயான வெற்றிகரமான ரோ-ரோ டிரக் சேவையால் ஈர்க்கப்பட்டு, கொங்கன் ரயில்வே இப்போது தனியார் வாகனங்களுக்கும் இதேபோன்ற ஒரு முறையை பரிசீலிக்கிறது, இதன்மூலம் ஓட்டுநர்கள் மற்றும் பயணிகள் தங்கள் கார்களில் இருந்தவாறே கோலாட்டில் இருந்து கோவாவுக்கு ரயிலில் கொண்டு செல்லப்படுவார்கள். 

இந்த யோசனை கொங்கன் நெடுஞ்சாலையில் போக்குவரத்து நெரிசலை குறைப்பதை நோக்கமாகக் கொண்டுள்ளது. எனினும், தொழில்நுட்ப மாற்றங்கள் தேவை தற்போதுள்ள வேகன்கள் உயரமான டிரக்குகளுக்கு வடிவமைக்கப்பட்டவை, மேலும் ராம்புகள் மற்றும் பெர்நெம் மற்றும் ஓல்ட் கோவா அருகிலுள்ள சுரங்கங்களில் மாற்றங்கள் அவசியம். ஒரு பயணத்திற்கு குறைந்தபட்சம் 40 வாகனங்கள் தேவைப்படும்.

இதை "அற்புதமான யோசனை” என்று அழைத்து, கொங்கன் ரயில்வே கழக தலைவர் சந்தோஷ் குமார் ஜா இந்த திட்டம் பரிசீலனையில் இருப்பதாக உறுதிப்படுத்தினார். அனுமதிக்கப்பட்டால், இது சாலை பயணிகளுக்கு மன அழுத்தமில்லாத, சுமூகமான பயணத்தை வழங்கும். இந்த பரிசோதனை வெற்றியடைந்தால், இந்திய ரயில்வே இந்தியாவின் முக்கிய சுற்றுலா பாதைகளில் இதேபோன்ற ரோ-ரோ சேவைகளை அறிமுகப்படுத்தலாம்.

இவ்வாறு சேவையை மங்களூரில் இருந்து எர்ணாகுளம் , திருவனந்தபுரம் வழியாக கன்னியாகுமரி வரை நீட்டிப்பது பற்றி பரிசீலிக்க வேண்டும் என்று கோரிக்கை வைக்கப்படுகிறது. இதைப்போல் கன்னியாகுமரியிலிருந்து சென்னைக்கு வாரத்துக்கு ஒருநாள் ஞாயிற்றுகிழமைகளில் நடத்த வேண்டும். இதைப்போல் சென்னையிலிருந்து வெள்ளிக்கிழமை புறப்படு மாறும் இந்த சேவை தொடங்கப்பட வேண்டும்.

கன்னியாகுமரி மாவட்டம், திருநெல்வேலி மாவட்டம், தூத்துக்குடி மாவட்டம் மற்றும் தென்காசி மாவட்டம் ஆகிய மாவட்டங்களிலிருந்து சாலை மார்க்கமாக கார்களை ஒரு இடத்தில் உள்ள ரயில் நிலையத்துக்கு கொண்டு வந்து பின்னர் அந்த ரயில் நிலையத்தில் வைத்து வைத்து கார்களை ஏற்றம் மற்றும் இறக்கம் வசதிகளை செய்யலாம். அதற்கு தகுந்தார்போல் வள்ளியூர் ரயில் நிலையம் உள்ளது. ஆகவே வள்ளியூர் ரயில் நிலையத்தில் கார்களை ரயில்களில் ஏற்றிச் செல்வதற்கு என்று தேவையான கட்டமைப்புகளை தனி ரயில்வே இருப்பு பாதை மற்றும் கார்கள் நிறுத்தும் இடங்கள் அமைக்க வேண்டும். இவ்வாறு அமைக்கும் போது நான்கு மாவட்ட மக்கள் தங்கள் கார்களை இங்கு கொண்டுவந்து எளிதாக ரயிலில் ஏற்றி செல்லலாம். இவ்வாறு அறிக்கையில் தெரிவிக்கப்பட்டுள்ளது