தமிழக மகளிருக்கு மே மாத உரிமைத் தொகை ரூ.1,000 வரவு

» செய்திகள் - விளையாட்டு » தமிழகம்

தமிழக மகளிருக்கு மே மாத உரிமைத் தொகை ரூ.1,000 வரவு - தவெக அரசு நடவடிக்கை!

வெள்ளி 15, மே 2026 4:16:49 PM (IST)

தமிழகத்தில் புதிய அரசு பொறுப்பேற்றுள்ள நிலையில், மகளிர் மற்றும் மாணவர்களின் நலன் கருதி முந்தைய அரசின் முக்கியத் திட்டங்களைத் தடையின்றித் தொடர்ந்து செயல்படுத்த முதலமைச்சர் விஜய் உத்தரவிட்டுள்ளார்.

கடந்த 2023-ஆம் ஆண்டு செப்டம்பர் 15-ஆம் தேதி தொடங்கப்பட்ட மகளிர் உரிமைத் தொகை திட்டத்தின் கீழ், தகுதியுள்ள 1 கோடியே 31 லட்சம் பெண் பயனாளர்களுக்கு மாதந்தோறும் 15-ஆம் தேதி ரூ.1,000 வழங்கப்பட்டு வருகிறது. அந்த வகையில், மே மாதத்திற்கான உரிமைத் தொகை ரூ.1,000 இன்று (15.05.2026) காலை முதல் பயனாளர்களின் வங்கி கணக்குகளில் நேரடியாக வரவு வைக்கப்பட்டுள்ளது.

நேற்று (மே 14) முதலமைச்சர் விஜய் அவர்கள் அளித்த வாக்குறுதியின்படி, இன்று காலை 10 மணிக்குள் பெரும்பாலான பயனாளர்களுக்கு குறுஞ்செய்தி வாயிலாகப் பணம் வரவு வைக்கப்பட்ட தகவல் உறுதி செய்யப்பட்டுள்ளது.

மாணவர்களுக்கான உதவித்தொகை:

மகளிர் உரிமைத் தொகை மட்டுமின்றி, மாணவர்களின் கல்வி நலனைக் கருத்தில் கொண்டு பின்வரும் திட்டங்களுக்கான நிதியையும் தமிழக அரசு நேற்று (மே 14) விடுவித்துள்ளது:

புதுமைப்பெண் திட்டம்: அரசுப் பள்ளிகளில் பயின்று உயர்கல்வி கற்கும் மாணவிகளுக்கான மாதம் ரூ.1,000 உதவித்தொகை.

தமிழ்ப் புதல்வன் திட்டம்: அரசுப் பள்ளிகளில் பயின்று உயர்கல்வி கற்கும் மாணவர்களுக்கான மாதம் ரூ.1,000 உதவித்தொகை.

புதிய அரசு பொறுப்பேற்றவுடன் நலத்திட்டங்கள் நிறுத்தப்படலாம் என்ற அச்சத்தில் இருந்த பயனாளிகளுக்கு, தவெக அரசின் இந்த வேகமான நடவடிக்கை பெரும் நிம்மதியை அளித்துள்ளது. "மக்களுக்கான திட்டங்கள் எப்போதும் தடையின்றித் தொடரும்" என்ற முதலமைச்சரின் அறிவிப்பைச் செயல்பாட்டிற்குக் கொண்டு வந்துள்ளதாகத் தமிழக அரசு வட்டாரங்கள் தெரிவிக்கின்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தமிழக மகளிருக்கு மே மாத உரிமைத் தொகை ரூ.1,000 வரவு - தவெக அரசு நடவடிக்கை!

» செய்திகள் - விளையாட்டு » தமிழகம்