வாலிபரை வெட்டிக்கொன்ற 2 பேருக்கு ஆயுள் தண்டனை : நெல்லை நீதிமன்றம் தீர்ப்பு

வாலிபரை வெட்டிக்கொன்ற 2 பேருக்கு ஆயுள் தண்டனை விதித்து நெல்லை நீதிமன்றம் தீர்ப்பு வழங்கியது.

நெல்லை அருகே ராஜவல்லிபுரத்தைச் சேர்ந்தவர் தங்கபாண்டி. இவருடைய மகன் இசக்கிமுத்து (23). விவசாயியான இவருக்கும், அதே ஊரைச் சேர்ந்த சுரேஷ் என்ற சூசை (25), இசக்கிமுத்து ராஜா என்ற ராஜா (29), ஜெபராஜ் ஆகியோருக்கும் இடையே முன்விரோதம் இருந்தது. கடந்த 7-5-2020 அன்று இரவில் இசக்கிமுத்து, ராஜவல்லிபுரம் பகுதியில் சென்றபோது, அங்கு வந்த இசக்கிமுத்து ராஜா, சுரேஷ், ஜெபராஜ் ஆகிய 3 பேரும் சேர்ந்து இசக்கிமுத்துவை சரமாரியாக அரிவாளால் வெட்டினர். 

இதில் படுகாயமடைந்த அவர் பரிதாபமாக இறந்தார். இதுகுறித்து தாழையூத்து போலீஸ் இன்ஸ்பெக்டர் ஜெயந்தி வழக்குப்பதிவு செய்து சுரேஷ், இசக்கிமுத்து ராஜா, ஜெபராஜ் ஆகிய 3 பேரையும் கைது செய்தார். இந்த வழக்கு விசாரணை நெல்லை 3-வது கூடுதல் செசன்ஸ் கோர்ட்டில் நடைபெற்று வந்தது

.வழக்கை விசாரித்த நீதிபதி பன்னீர்செல்வம் குற்றம் சாட்டப்பட்ட சுரேஷ், இசக்கிமுத்துராஜா ஆகிய 2 பேருக்கும் ஆயுள் தண்டனை மற்றும் தலா ரூ.1,000 அபராதம் விதித்து நேற்று தீர்ப்பு கூறினார். வழக்கில் தொடர்புடைய ஜெபராஜ் தலைமறைவாக உள்ளதால், அவர் மீதான வழக்கு தனியாக நடைபெற்று வருகிறது. இந்த வழக்கில் அரசு தரப்பில் வக்கீல் சூரசங்கரவேல் ஆஜரானார்.