உடல் உறுப்புக்கள் தானம் செய்த மாணவருக்கு அரசு சார்பில் மரியாதை!

கல்வி பயணமாக குவைத்திலிருந்து அமெரிக்காவில் சென்ற மாணவர் இறந்ததைத் தொடர்ந்து, சேரன்மகாதேவி சார் ஆட்சியர் முகமது ஷபீர் ஆலம், தலைமையில் அன்னாரது உடலுக்கு அரசு மரியாதை செலுத்தப்பட்டது.

நெல்லை மாவட்டம், இராதாபுரம் வட்டம், மூலைக்காடு பகுதியை சார்ந்த சகாய ஜெபாஸ் பிரஜோப் (18) என்பவர் கல்வி பயணமாக குவைத்திலிருந்து அமெரிக்காவிற்கு சென்ற நிலையில் அமெரிக்காவில் இறந்துள்ளார். அன்னாரது உடல் உறுப்புகள் தானம் செய்யப்பட்டதை தொடர்ந்து, மூலைக்காடு பகுதியில் சேரன்மகாதேவி சார் ஆட்சியர் முகமது ஷபீர் ஆலம், தலைமையில் அன்னாரது உடலுக்கு அரசு மரியாதை செய்யப்பட்டு இன்று (15.12.2023) நல்லடக்கம் செய்யப்பட்டது.

மேலும், அன்னாரது உடல் உறுப்புகள் தானம் செய்யப்பட்டு, இன்றைய தினம் மூலைக்காடு பகுதிக்கு அன்னாரது உடல் கொண்டுவரப்பட்டது. சேரன்மகாதேவி சார் ஆட்சியர் முகமது ஷபீர் ஆலம், தலைமையில் அன்னாரது உடலுக்கு அரசு மரியாதை செய்யப்பட்டு இன்று நல்லடக்கம் செய்யப்பட்டது. இந்நிகழ்வில், இராதாபுரம் வட்டாட்சியர் பாஸ்கரன் (பொ), வள்ளியூர் காவல் ஆய்வாளர் ஜான் பிரிட்டோ , ஜோசப் பெல்சி உட்பட பலர் கலந்து கொண்டார்கள்.