திருநெல்வேலி அரசு மருத்துவமனையில் ஆயுள் தண்டனை கைதி உயிரிழப்பு!

திருநெல்வேலி அரசு மருத்துவக் கல்லூரி மருத்துவமனையில் சிகிச்சை பெற்று வந்த பாக்கியராஜ் (72) என்ற ஆயுள் தண்டனை உயிரிழந்தார்.

திருநெல்வேலி மாவட்டம், முனீர்பள்ளம் அருகே ஆரைக்குளத்தைச் சேர்ந்த வெற்றிவேல் மகன் பாக்கியராஜ். 1989 ஆம் ஆண்டு முனீர்பள்ளம் காவல் நிலையத்தில் 302 IPC பிரிவின் கீழ் தொடரப்பட்ட கொலை வழக்கில் குற்றவாளியாக தீர்ப்பளிக்கப்பட்டு, கடந்த 2023 டிசம்பர் 7ஆம் தேதி திருநெல்வேலி மத்திய சிறையில் அனுமதிக்கப்பட்டார்.

இந்நிலையில், வயது முதிர்வு காரணமாக முதுகு வலி, இடது தொடையில் வலி ஆகிய பிரச்சினைகளால் பாதிக்கப்பட்ட அவர், கடந்த ஜனவரி 29 ஆம் தேதி திருநெல்வேலி அரசு மருத்துவமனைக்கு சிகிச்சைக்காக மாற்றப்பட்டார். அங்குள்ள IMCU ORTHO WARD-ல் சிகிச்சை பெற்று வந்த நிலையில், இன்று (மார்ச் 6) பிற்பகல் 1.50 மணியளவில் உயிரிழந்ததாக அதிகாரிகள் தெரிவித்தனர். இந்த சம்பவம் குறித்து அதிகாரிகள் விசாரணை மேற்கொண்டு வருகின்றனர்.