நெல்லையில் புதிய தீயணைப்பு வீரர்களுக்கு பயிற்சி துவக்கம்

திருநெல்வேலி மாவட்டத்தில் புதிதாக தேர்வான தீயணைப்பு வீரர்களுக்கான 90 நாள் பயிற்சி நெல்லை இன்ஜினியரிங் கல்லூரியில் இன்று தொடங்கியது. 

தமிழ்நாடு தீயணைப்பு மற்றும் மீட்பு பணிகள் துறைக்கு தேர்வான 672 புதிய தீயணைப்பு வீரர்களுக்கான மூன்று மாத கால பயிற்சியானது மாநிலம் முழுவதும் ஏழு மாவட்டங்களில் இன்று முதல் பயிற்சி நடைபெறுகிறது. இந்த பயிற்சியானது திருநெல்வேலி மாவட்டத்தில் மூன்றடைப்பு அருகே உள்ள மருதகுளத்தில் நெல்லை இன்ஜினியரிங் கல்லூரியில் வைத்து 97 தீயணைப்பு வீரர்களுக்கான பயிற்சி ஆரம்பிக்கப்பட்டது.

இந்த பயிற்சியினை திருநெல்வேலி மண்டல துணை இயக்குனர் சரவண பாபு குத்துவிளக்கு ஏற்றி தொடங்கி வைத்தார். திருநெல்வேலி தீயணைப்பு வீரர்களுக்கான தற்காலிக பயிற்சி மையத்தின் முதல்வரும் திருநெல்வேலி மாவட்ட தீயனைப்பு அலுவலருமான பானுப்பிரியா, கன்னியாகுமரி மாவட்ட அலுவலர் சத்திய குமார், தூத்துக்குடி மாவட்ட அலுவலர் கணேசன், திருநெல்வேலி மாவட்ட உதவி மாவட்ட அலுவலர் திருவெட்டும் பெருமாள், உதவி மாவட்ட அலுவலர் பிரதீப் குமார் மற்றும் பயிற்சி கொடுக்கக்கூடிய அலுவலர்கள் மற்றும் வீரர்கள் கலந்து கொண்டனர்.

இன்றிலிருந்து தொடங்கி தொடர்ந்து 90 நாட்கள் இந்த பயிற்சியானது நடைபெறும்.  அதில் தீயை அணைப்பது இடிபாடுகளில் உயிர்களை மீட்பது குறித்த அனைத்து தீயணைப்பு மற்றும் மீட்பு நடவடிக்கைள் குறித்து பயிற்சி அளிக்கப்படும்.