திருநெல்வேலி மாவட்டத்தில் மே 1ஆம் தேதி மது விற்பனைக்கு தடை : ஆட்சியர் உத்தரவு

மே தினத்தை முன்னிட்டு திருநெல்வேலி மாவட்டத்தில் வருகிற மே 1ஆம் தேதி மதுக்கடைகள், பார்களை மூட ஆட்சியர் இரா.சுகுமார் உத்தரவிட்டுள்ளார்.

இது தொடர்பாக அவர் வெளியிட்டுள்ள அறிவிப்பு : அரசாணை எண்.1 உள் மதுவிலக்கு மற்றும் ஆயத்தீர்வை (VI) துறை நாள்: 03.01.2012, அரசாணை எண்.50 உள் மதுவிலக்கு மற்றும் ஆயத்தீர்வை (VIII) துறை நாள்: 29.10.2012, அரசாணை எண்.32 உள் மதுவிலக்கு மற்றும் ஆயத்தீர்வை (VIII)துறை நாள்: 24.05.2013 மற்றும் சென்னை, ஆணையர், மதுவிலக்கு மற்றும் ஆயம் கடிதம் எண்.P&E2(1)/129/2017, நாள்: 23.04.2025 ஆகியவற்றின்படி 01.05.2025 (வியாழக்கிழமை) மே தினத்தை முன்னிட்டு திருநெல்வேலி மாவட்டத்தில் தமிழ்நாடு மாநில வாணிபக்கழகத்தால் (டாஸ்மாக்) நடத்தப்படும் மதுபானக்கடைகள் (FL1 உரிமங்கள்) அவற்றுடன் இணைந்த மதுபானக்கூடங்கள், தங்கும் விடுதிகளுடன் இணைந்த FL2, FL3, FL3A, FL3AA & FL11 உரிமம் பெற்ற மதுபானக்கூடங்கள் அனைத்தும் மூடப்படவேண்டும் என ஆணையிடப்பட்டுள்ளது.