திருநெல்வேலி வாக்குச்சாவடி மையங்களில் தேர்தல் பொதுப் பார்வையாளர்கள் ஆய்வு

» செய்திகள் - விளையாட்டு » மாவட்ட செய்தி (திருநெல்வேலி)

திருநெல்வேலி வாக்குச்சாவடி மையங்களில் தேர்தல் பொதுப் பார்வையாளர்கள் ஆய்வு

புதன் 1, ஏப்ரல் 2026 4:43:34 PM (IST)

திருநெல்வேலி மாவட்டத்தில் வாக்குச்சாவடி மையங்களின் பாதுகாப்பு மற்றும் அடிப்படை வசதிகள் குறித்து தேர்தல் பொது பார்வையாளர்கள் ரிஷிகேஷ் பாஸ்கர் யசோத், அனுபா ஸ்ரீ வஷ்தவா ஆகியோர் ஆய்வு மேற்கொண்டனர்.

இந்தியத் தேர்தல் ஆணையத்தின் அறிவுறுத்தலின்படி, தமிழ்நாடு சட்டமன்றப் பொதுத்தேர்தல் - 2026 வாக்குப்பதிவு வரும் ஏப்ரல் 23-ஆம் தேதி நடைபெற உள்ளது. இதனையொட்டி, திருநெல்வேலி மாவட்டத்திற்கு நியமிக்கப்பட்டுள்ள தேர்தல் பொதுப் பார்வையாளர்கள் வாக்குச்சாவடி மையங்களில் பாதுகாப்பு மற்றும் அடிப்படை வசதிகள் குறித்துத் தீவிர ஆய்வு மேற்கொண்டு வருகின்றனர்.

தேர்தல் பொதுப் பார்வையாளர் மரு. ரிஷிகேஷ் பாஸ்கர் யசோத் திருநெல்வேலி சட்டமன்றத் தொகுதிக்குட்பட்ட மானூர் தாலுகாவில் உள்ள பல்வேறு மையங்களில் இன்று ஆய்வு நடத்தினார்.

அழகியபாண்டியபுரம் TDTA ஆரம்பப்பள்ளி, உக்கிரன்கோட்டை செயின்ட் பால்ஸ் மேல்நிலைப்பள்ளி, வாகைகுளம் செயின்ட் பால்ஸ் நடுநிலைப்பள்ளி, மானூர் அரசு பெண்கள் மேல்நிலைப்பள்ளி ஆகிய இடங்களில் அமைக்கப்பட்டுள்ள வாக்குச்சாவடிகளில் குடிநீர், மின்சாரம், கழிப்பறை மற்றும் மாற்றுத்திறனாளிகளுக்கான சாய்வுதளம் உள்ளிட்ட அடிப்படை வசதிகள் மற்றும் பாதுகாப்பு ஏற்பாடுகளை அவர் நேரில் பார்வையிட்டார்.

அதேபோல், தேர்தல் பொதுப் பார்வையாளர் அனுபா ஸ்ரீ வஸ்தவா அம்பாசமுத்திரம் தொகுதிக்குட்பட்ட பகுதிகளில் ஆய்வு மேற்கொண்டார். நாடார் யூனியன் நடுநிலைப்பள்ளி மற்றும் விக்கிரமசிங்கபுரம் PLWA மேல்நிலைப்பள்ளி வாக்குச்சாவடி மையங்களைப் பார்வையிட்டார்.

திருநெல்வேலி - தென்காசி மாவட்ட எல்லையான முதலியார்பட்டி சோதனைச் சாவடியில் கண்காணிப்புப் பணிகளை ஆய்வு செய்தார். தொடர்ந்து, அம்பாசமுத்திரம் வட்டாட்சியர் அலுவலகத்தில் இயங்கி வரும் தேர்தல் கட்டுப்பாட்டு அறை, தேர்தல் தொடர்பான பணிகள் மற்றும் பறிமுதல் செய்யப்பட்ட பொருட்கள் குறித்த பதிவேடுகளையும் அவர் விரிவாக ஆய்வு செய்தார்.

வாக்குப்பதிவு எவ்வித இடையூறுமின்றி அமைதியாகவும், நேர்மையாகவும் நடைபெறுவதை உறுதிசெய்யும் வகையில் இந்த ஆய்வுகள் மேற்கொள்ளப்பட்டு வருகின்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

திருநெல்வேலி வாக்குச்சாவடி மையங்களில் தேர்தல் பொதுப் பார்வையாளர்கள் ஆய்வு

» செய்திகள் - விளையாட்டு » மாவட்ட செய்தி (திருநெல்வேலி)