கல்லிடைக்குறிச்சியில் பக்ரீத் சிறப்புத் தொழுகை!

கல்லிடைக்குறிச்சியில் ரஹ்மத் ஜூம்ஆ பள்ளிவாசல் ஈத்கா மைதானத்தில் பக்ரீத் சிறப்புத் தொழுகை நேற்று நடைபெற்றது.

திருநெல்வேலி மாவட்டம், கல்லிடைக்குறிச்சியில் ரஹ்மத் ஜூம்ஆ பள்ளிவாசல் ஈத்கா மைதானத்தில் பக்ரீத் சிறப்புத் தொழுகை நேற்று வியாழக்கிழமை நடைபெற்றது. இதையொட்டி, தலைமை இமாம் எஸ். முகம்மது முஜம்மில் சிறப்பு சொற்பொழிவு நிகழ்த்தினார். இமாம் அ. தாஜூத்தின் தொழுகை நடத்தினார். பெருமாள் குத்பா தலைமை இமாம் ஓதீனார். 

இதில், ஜமாத் தலைவர் அ. நாகூர் கனி, நூருல்ஹிதாயாமகளிர் அரபிக் கல்லூரி முதல்வர் மு. ரஹ்மத் ரபீக், ஜமாத் செயலர் அ. ஷேக் செய்யது அலி, துணைத் தலைவர் அ. நாகூர் மீரான், பொருளாளர் என். அஜிஸ், தணிக்கையாளர் முகம்மது உசைன் உள்பட ஏராளமான ஆண்களும் பெண்களும் கலந்துகொண்டனர். தொழுகை முடிந்ததும் ஒருவரை ஒருவர் ஆரத்தழுவி பக்ரீத் வாழ்த்துக்களை தெரிவித்துக் கொண்டனர். இதையடுத்து குர்பானி கொடுக்கப்பட்டது.