» செய்திகள் - விளையாட்டு » தமிழகம்
திமுக கூட்டணியில் விசிகவுக்கு 8 தொகுதிகள் ஒதுக்கீடு: ஒப்பந்தம் கையெழுத்தானது!
செவ்வாய் 24, மார்ச் 2026 4:35:32 PM (IST)
தமிழகச் சட்டமன்றத் தேர்தலில் திமுக கூட்டணியில் விசிக கட்சிக்கு 8 தொகுதிகள் ஒதுக்கீடு செய்யப்பட்டு அதிகாரப்பூர்வ ஒப்பந்தம் கையெழுத்தானது.
தமிழகச் சட்டமன்றத் தேர்தல் ஏப்ரல் 23-ஆம் தேதி நடைபெற உள்ள நிலையில், திமுக கூட்டணியில் தொகுதிப் பங்கீட்டுப் பணிகள் இறுதிக்கட்டத்தை எட்டியுள்ளன. இன்று (மார்ச் 24), விடுதலைச் சிறுத்தைகள் கட்சிக்கு 8 தொகுதிகள் ஒதுக்கீடு செய்யப்பட்டு அதிகாரப்பூர்வ ஒப்பந்தம் கையெழுத்தானது.
சென்னை அண்ணா அறிவாலயத்தில் நடைபெற்ற நிகழ்வில், திமுக தலைவரும் தமிழக முதல்வருமான மு.க. ஸ்டாலின் மற்றும் விசிக தலைவர் தொல். திருமாவளவன் ஆகியோர் இந்தத் தொகுதிப் பங்கீட்டு ஒப்பந்தத்தில் கையெழுத்திட்டனர்.
மொத்த தொகுதிகள்: 8
பொதுத் தொகுதிகள்: 2
தனித் தொகுதிகள்: 6
கடந்த 2021 சட்டமன்றத் தேர்தலில் 6 தொகுதிகளில் போட்டியிட்டு 4 இடங்களில் வெற்றி பெற்ற விசிக, இந்த முறை கூடுதல் தொகுதிகளைப் பெறுவதில் உறுதியாக இருந்தது. அதன் அடிப்படையில், கடந்த முறையை விட 2 தொகுதிகள் கூடுதலாகப் பெற்றுள்ளது குறிப்பிடத்தக்கது.
திமுக தனது கூட்டணிக் கட்சிகளுடன் பிப்ரவரி 22-ஆம் தேதி முதல் பேச்சுவார்த்தை நடத்தி வருகிறது. இதுவரை ஒதுக்கப்பட்டுள்ள தொகுதிகளின் விவரம்:
காங்கிரஸ் 28
விடுதலைச் சிறுத்தைகள் 8
இந்திய கம்யூனிஸ்ட் 5
மார்க்சிஸ்ட் கம்யூனிஸ்ட் 5
மதிமுக 4
இந்திய யூனியன் முஸ்லிம் லீக் 2
மனிதநேய மக்கள் கட்சி 2
கொமதேக 2
நாளை (மார்ச் 25) தேமுதிக உடன் தொகுதிப் பங்கீடு குறித்த பேச்சுவார்த்தை நடைபெற உள்ளது. தேர்தலுக்கான வேட்புமனுத் தாக்கல் மார்ச் 30-ஆம் தேதி தொடங்குகிறது என்பது குறிப்பிடத்தக்கது.
மக்கள் கருத்து
மேலும் தொடரும் செய்திகள்
அனைவரும் ஜனநாயகத்தின் தூதுவர்களாக சென்று பணியாற்ற வேண்டும்: ஆட்சியர் வேண்டுகோள்!
செவ்வாய் 24, மார்ச் 2026 5:44:11 PM (IST)
தூத்துக்குடி மாவட்டத்தில் அமமுகவுக்கு 2 தொகுதிகள்? உத்தேச பட்டியல் வெளியானது!
செவ்வாய் 24, மார்ச் 2026 5:37:09 PM (IST)
ஒவ்வொரு குடும்ப அட்டைதாரர்களுக்கும் விலையில்லா குளிர்சாதனப் பெட்டி: இபிஎஸ் வாக்குறுதி!
செவ்வாய் 24, மார்ச் 2026 5:29:01 PM (IST)
பிரதமர் ஆற்றிய உரை உண்மைக்கு மாறானது: இந்தியக் கம்யூனிஸ்ட் கடும் குற்றச்சாட்டு!
செவ்வாய் 24, மார்ச் 2026 4:40:54 PM (IST)
அதிமுக பொதுச்செயலாளர் எடப்பாடி பழனிசாமி நாளை முதல் பிரச்சாரம்: பயண அட்டவணை வெளியீடு!
செவ்வாய் 24, மார்ச் 2026 4:21:25 PM (IST)
வாக்களிக்கும் வைபவம்: திருமண அழைப்பிதழ் பாணியில் தூத்துக்குடியில் தேர்தல் விழிப்புணர்வு!
செவ்வாய் 24, மார்ச் 2026 3:46:32 PM (IST)
மதுபோதையில் லாரி ஓட்டியவருக்கு அபராதம்: ஓட்டுநர் உரிமத்தை ரத்து செய்ய பரிந்துரை!
செவ்வாய் 24, மார்ச் 2026 12:48:06 PM (IST)
