ஆசிய கோப்பை கிரிக்கெட்: ஓமனை 21 ரன்களில் வீழ்த்திய இந்தியா!

ஆசிய கோப்பை டி20 கிரிக்​கெட் தொடரில் கடைசி லீக் ஆட்டத்தில் ஓமனை 21 ரன்கள் வித்தியாசத்தில் இந்தியா வீழ்த்தியது.

ஆசிய கோப்பை டி20 கிரிக்​கெட் தொடரில் அபு​தாபி​யில் உள்ள ஷேக் சயீத் மைதானத்​தில் ‘ஏ’ பிரி​வில் நேற்று நடை​பெற்ற கடைசி லீக் ஆட்​டத்​தில் இந்​தியா - ஓமன் அணி​கள் மோதின. இந்​திய அணி​யில் ஜஸ்​பிரீத் பும்​ரா, வருண் சக்​ர​வர்த்தி ஆகியோ​ருக்கு பதிலாக ஹர்​ஷித் ராணா, அர்​ஷ்தீப் சிங் ஆகியோர் சேர்க்​கப்​பட்​டனர். டாஸ் வென்று முதலில் பேட் செய்த இந்​திய அணி நிர்​ண​யிக்​கப்​பட்ட 20 ஓவர்​களில் 8 விக்​கெட்​கள் இழப்​புக்கு 188 ரன்​கள் குவித்​தது.

அதி​கபட்​ச​மாக சஞ்சு சாம்​சன் 45 பந்​துகளில், 3 பவுண்​டரி​கள், 3 சிக்​ஸர்​களு​டன் 56 ரன்​கள் விளாசி​னார். அவர், 41 பந்​துகளில் அரை சதம் கடந்​திருந்​தார். சர்​வ​தேச டி20 அரங்​கில் சஞ்சு சாம்​சனுக்கு இது 3-வது அரைசத​மாக அமைந்​தது.

முன்​ன​தாக ஷுப்​மன் கில் 5 ரன்​களில் ஷா ஃபைசல் பந்​தில் போல்​டா​னார். அபிஷேக் சர்மா 15 பந்​துகளில், 2 சிக்​ஸர்​கள், 5 பவுண்​டரி​களு​டன் 38 ரன்​கள் எடுத்த நிலை​யில் ராமானந்தி பந்​தில் வெளி​யேறி​னார். ஹர்​திக் பாண்​டியா ஒரு ரன் எடுத்த நிலை​யில் ரன் அவுட் ஆனார்.

அக்​சர் படேல் 13 பந்​துகளில் 26 ரன்​களும், திலக் வர்மா 18 பந்​துகளில் 29 ரன்​களும், ஷிவம்துபே 5 ரன்களும், அர்​ஷ்தீப் சிங் ஒரு ரன்​னும் சேர்த்து ஆட்​ட​மிழந்​தனர். ஹர்​ஷித் ராணா 13 ரன்​களும், குல்​தீப் யாதவ் ஒரு ரன்​னும் சேர்த்து ஆட்​ட​மிழக்​காமல் இருந்​தனர். இதையடுத்து 189 ரன்​கள் இலக்​குடன் ஓமன் அணி பேட் செய்தது.

அந்த அணி 20 ஓவர்களில் 4 விக்கெட்டுகள் இழப்புக்கு 167 ரன்கள் எடுத்தது. ஆமீர் கலீம் 64 ரன்கள், ஹம்மாத் மிர்சா 51 ரன்களும் எடுத்தனர். அந்த அணியின் கேப்டன் ஜதீந்தர் சிங் 32 ரன்கள் எடுத்தார். ஆட்ட நாயகன் விருதை சஞ்சு சாம்சன் பெற்றார்.