சென்னை சர்வதேச திரைப்பட விழா: விஜய் சேதுபதி, சாய் பல்லவிக்கு விருது!

சென்னை​யில் நடைபெற்ற 22-வது சர்வதேச திரைப்பட விழா​வில் சிறந்த நடிகர் விருது விஜய்​சேதுப​திக்​கும், சிறந்த நடிகைக்கான விருது சாய்​ பல்லவிக்​கும் வழங்​கப்​பட்​டது.

இந்திய திரைப்பட திறனாய்​வு கழகம் சார்​பில் 22-வது சென்னை சர்வதேச திரைப்பட விழா கடந்த 12-ம் தேதி தொடங்​கியது. இதில் 60 நாடு​களில் இருந்து 180 படங்கள் திரை​யிடப்​பட்டன. திரைப்பட விழா​வின் நிறைவு நாள் நிகழ்ச்சி சென்னை சத்யம் திரையரங்​கில் நேற்று மாலை நடைபெற்​றது.

இதில், திரைப்பட இயக்​குநர் பாக்​யராஜ், தென்னிந்திய நடிகர் சங்கத் தலைவர் நாசர், தமிழ்​நாடு திரைப்பட தயாரிப்​பாளர் சங்கச் செயலாளர் டி.சிவா, திரைப்பட இயக்​குநர் சங்கத் தலைவர் ஆர்.​வி.உதயகு​மார் ஆகியோர் கலந்​து​கொண்டு, தேர்வு செய்​யப்​பட்ட கலைஞர்​களுக்கு விருது வழங்​கினர்.

சிறந்த திரைப்​படங்கள் பிரி​வில் முதல் பரிசை ‘அமரன்’, இரண்​டாவது பரிசை ‘லப்பர் பந்து’ படங்கள் பெற்றன. சிறந்த நடிகர் விஜய் சேதுபதி (மகாராஜா), சிறந்த நடிகை சாய்​பல்லவி (அமரன்), சிறந்த ஒளிப்​ப​திவு சி.எச்​.சாய்​ (அமரன்), சிறந்த படத் தொகுப்பு பிலோமின் ராஜ் (மகாராஜா), சிறந்த குழந்தை நட்சத்​திரம் பொன்​வேல் (வாழை), சிறந்த பொழுதுப்​போக்கு படம் வேட்​டையன், அமிதாப்​பச்சன் யூத் ஐகான் விருது நடிகர் அருள்​நிதி, சிறந்த இசையமைப்​பாளர் ஜி.வி.பிர​காஷ் குமார் (அமரன்) உள்ளிட்​டோர் தேர்வு செய்​யப்​பட்​டிருந்​தனர்.

அதேபோல, சிறப்பு நடுவர் விருது ‘ஜமா’ படத்​துக்கு வழங்​கப்​பட்​டது. குறும்​படங்​களுக்கான பிரி​வில் சிறந்த திரைப்​படமாக கயமை தேர்வு செய்​யப்​பட்​டிருந்​தது. இந்நிகழ்​வில், இந்திய திரைப்பட திறனாய்வு கழகத் தலைவர் சிவன் கண்ணன், துணைத் தலைவர் ஆனந்த் ரங்கஸ்​வாமி, பொதுச் செயலாளர் ஏவிஎம்​.கே.சண்​முகம், இணைச் செயலா​ளர் சுரேஷ் மேனன், நடிகர் அர​விந்த்​சாமி, இயக்​குநர்​கள் பா.ரஞ்​சித், ​மாரி செல்​வ​ராஜ், நடிகைகள் துஷாரா ​விஜயன் உள்​ளிட்​டோர் பங்​கேற்​றனர்​.