அமெரிக்கா- ஈரான் இடையேயான போர் நிறுத்த ஒப்பந்தம்: வைரமுத்து வரவேற்பு

» சினிமா » செய்திகள்

அமெரிக்கா- ஈரான் இடையேயான போர் நிறுத்த ஒப்பந்தம்: வைரமுத்து வரவேற்பு

புதன் 8, ஏப்ரல் 2026 11:38:50 AM (IST)

நாகரிகத்தின் பிறப்பிடமாகிய ஈரான் அநாகரிகத்தால் அழியக் கூடாது என்று போர் நிறுத்தத்திற்கு வைரமுத்து வரவேற்பு தெரிவித்துள்ளார்.

அமெரிக்கா- ஈரான் இடையே 2 வாரம் போர் நிறுத்த ஒப்பந்தம் அறிவிக்கப்பட்டுள்ளது. அதன்படி இரு வாரத்திற்கு ஈரான் மீதான தாக்குதலை ஒத்திவைப்பதாக அமெரிக்காவும், ஹார்மூஸ் நீரிணை வழியே அனைத்து நாட்டின் கப்பல்களும் பயணிக்க அனுமதிப்பதாக ஈரானும் அறிவித்துள்ளது.

இதனிடையே அமெரிக்கா- ஈரான் இடையேயான போர் நிறுத்த ஒப்பந்தம் தொடர்பாக கவிஞரும், பாடலாசிரியருமான வைரமுத்து எக்ஸ் தள பக்கத்தில் வெளியிட்டுள்ள பதிவில்,

இப்படியே நீடிக்கட்டும்

தற்காலிகப் போர்நிறுத்தம்

நிரந்தரமாகட்டும்

ஹோர்முஸ் நீரிணையும்

அகந்தையால் அடைக்கப்பட்ட

திறந்தே இருக்கட்டும்

நாகரிகத்தின்

பிறப்பிடமாகிய ஈரான்

அநாகரிகத்தால்

அழிந்துபடக் கூடாது

உலகத்தின் எந்தவிளிம்பில்

போர் நிகழ்ந்தாலும்

இன்னொரு விளிம்பில்

எதிர்வினை இருக்கும்

டென்மார்க்கில் ஒரு பசு

பூச்சி மருந்தடித்த

புல்லைத் தின்றால்

ஆஸ்திரேலியாவில்

சாக்லேட் தின்னும் குழந்தை

சாகக் கிடக்கும்

முடிவுக்கு வரட்டும்

யுத்தம்

ஏவுகணைகளையும்

ட்ரோன்களையும்விடவும்

பேச்சுவார்த்தைகள்

வலிமையானவை

தோட்டாக்களில்

தொடங்கிய போர்

சொற்களில் முடியட்டும்

கல்லெறிந்து விரட்டுங்கள்

கழுகுகளை;

தானியமிட்டுக் கூப்பிடுங்கள்

புறாக்களை

இவ்வாறு வைரமுத்து கூறியுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

அமெரிக்கா- ஈரான் இடையேயான போர் நிறுத்த ஒப்பந்தம்: வைரமுத்து வரவேற்பு

» சினிமா » செய்திகள்