» செய்திகள் - விளையாட்டு » இந்தியா
குதிரை பேர அச்சம்: 8 எம்எல்ஏ-க்களை கர்நாடகாவுக்கு மாற்றியது ஒடிசா காங்கிரஸ்!
சனி 14, மார்ச் 2026 12:50:01 PM (IST)
ஒடிசாவில் நடைபெறவுள்ள மாநிலங்களவைத் தேர்தலில் எம்எல்ஏ-க்கள் கட்சி மாறி வாக்களிப்பதைத் தவிர்க்கும் பொருட்டு, காங்கிரஸ் கட்சி தனது 8 சட்டமன்ற உறுப்பினர்களைப் பெங்களூருவுக்கு மாற்றியுள்ளது.
ஒடிசாவில் காலியாக உள்ள 4 மாநிலங்களவை இடங்களுக்கு வரும் திங்கட்கிழமை தேர்தல் நடைபெற உள்ளது. மாநிலச் சட்டமன்றத்தின் பலத்தின் அடிப்படையில், ஆளும் பாஜக (BJP) இரண்டு இடங்களிலும், எதிர்க்கட்சியான பிஜு ஜனதா தளம் (BJD) ஓர் இடத்திலும் வெற்றி பெறுவது உறுதியாகியுள்ளது.
நான்காவது இடத்தைக் கைப்பற்றுவதில் தற்போது கடும் போட்டி நிலவுகிறது. பாஜக ஆதரவுடன் போட்டியிடும் சுயேச்சை வேட்பாளர் திலீப் ரே மற்றும் பிஜு ஜனதா தளம் வேட்பாளர் தத்தேஸ்வர் ஹோட்டா ஆகியோருக்கு இடையே நேரடிப் போட்டி ஏற்பட்டுள்ளது. இத்தேர்தலில் 14 உறுப்பினர்களைக் கொண்ட காங்கிரஸ் கட்சி, பிஜு ஜனதா தளம் வேட்பாளருக்கு ஆதரவு தெரிவித்துள்ளது.
இந்நிலையில், காங்கிரஸ் எம்எல்ஏ-க்கள் கட்சி மாறி வாக்களிக்கக்கூடும் அல்லது ஆளும் தரப்பால் ஈர்க்கப்படலாம் என்ற அச்சம் எழுந்துள்ளது. இதனைத் தவிர்க்க, காங்கிரஸ் தலைமை தனது 8 எம்எல்ஏ-க்களை கர்நாடக மாநிலம் பெங்களூருவுக்கு அழைத்துச் சென்றுள்ளது. அங்கிருந்து 35 கி.மீ. தொலைவில் உள்ள ஒரு சொகுசு விடுதியில் அவர்கள் தங்க வைக்கப்பட்டுள்ளனர்.
இது குறித்து ஒடிசா காங்கிரஸ் சட்டப்பேரவைக் கட்சித் தலைவர் ராமச்சந்திர கடம் கூறுகையில்: "பாஜகவின் குதிரை பேர முயற்சிகளில் இருந்து எங்கள் உறுப்பினர்களைப் பாதுகாப்பதற்காகவே அவர்களைப் பெங்களூருவுக்கு அனுப்பியுள்ளோம். ஜனநாயகத்தைக் காக்க இந்த நடவடிக்கை அவசியமாகிறது என்று அவர் தெரிவித்தார். தேர்தலுக்குச் சில நாட்களே உள்ள நிலையில், ஒடிசா அரசியல் களம் தற்போது சூடுபிடித்துள்ளது.
மக்கள் கருத்து
மேலும் தொடரும் செய்திகள்
தமிழக மக்கள் ஸ்டாலினுக்கு மீண்டும் ஒருமுறை வெற்றியைப் பரிசளிப்பார்கள்: கெஜ்ரிவால் நம்பிக்கை!
திங்கள் 20, ஏப்ரல் 2026 11:45:23 AM (IST)
மத்திய கிழக்கு நாடுகளில் போர் பதற்றம்: இந்தியாவில் சமையல் எரிவாயு பயன்பாடு 12.8% சரிவு!
திங்கள் 20, ஏப்ரல் 2026 10:55:14 AM (IST)
ஹார்முஸ் நீரிணையில் இந்தியக் கப்பல்கள் மீது துப்பாக்கிச்சூடு – மத்திய அரசு கடும் கண்டனம்!
ஞாயிறு 19, ஏப்ரல் 2026 9:34:00 AM (IST)
மத்திய அரசு ஊழியர்கள் மற்றும் ஓய்வூதியதாரர்களுக்கு 2% அகவிலைப்படி உயர்வு: அமைச்சரவை ஒப்புதல்
சனி 18, ஏப்ரல் 2026 5:27:06 PM (IST)
இண்டியா கூட்டணி எதிர்ப்பு எதிரொலி: மக்களவையில் மகளிர் இடஒதுக்கீடு தொடர்பான மசோதா தோல்வி
சனி 18, ஏப்ரல் 2026 10:45:21 AM (IST)
தென் மாநிலங்களை அதிகாரமற்றதாக மாற்ற பாஜக முயற்சி: ராகுல் காந்தி கடும் குற்றச்சாட்டு
வெள்ளி 17, ஏப்ரல் 2026 4:36:14 PM (IST)
அனைத்து மாநிலங்களிலும் 50% தொகுதிகள் உயர்வு: மக்களவையில் மத்திய அமைச்சர் உறுதி!
வியாழன் 16, ஏப்ரல் 2026 5:12:22 PM (IST)
