இலங்கை பர்னிச்சர் கடையை முற்றுகையிட்ட மே 17 அமைப்பினர்: தூத்துக்குடியில் பரபரப்பு!

தமிழக மீனவர்கள் மீது கொலைவெறி தாக்குதல் வரும் இலங்கை கடற்படை மீது தமிழக காவல்துறை கொலை வழக்குப் பதிவு செய்ய தயங்குவது ஏன்? என்று திருமுருகன் காந்தி கேள்வி எழுப்பினார்.

இதை தொடர்ந்த முன்னெச்சரிக்கை நடவடிக்கையாக மூடப்பட்ட தம்ரோ பர்னிச்சர் கடை முன்பு பலத்த போலீஸ் பாதுகாப்பு போடப்பட்டது. இதைத்தொடர்ந்து தடையை மீறி முற்றுகை போராட்டத்தில் ஈடுபட  மே 17 இயக்க தலைவர் திருமுருகன் காந்தி, பேராசிரியை பாத்திமா பாபு, காந்தி மள்ளர் உள்ளிட்ட 20க்கும் மேற்பட்டோர் தூத்துக்குடி குரூஸ் சிலை அருகே வந்தனர் அவர்களிடம் காவல்துறை நடத்திய பேச்சு வார்த்தையை தொடர்ந்து முழக்கம் இடாமல் போராட்ட குழுவினர் கலைந்து சென்றனர்.

இதைத் தொடர்ந்து திருமுருகன் காந்தி கூறுகையில் "தமிழக மீனவர்கள் மீது தாக்குதல் நடத்தப்படுவதை தொடர்ந்து தமிழக முழுவதும் இலங்கையைச் சேர்ந்த தம்ரோ பர்னிச்சர் கடையை முற்றுகையிட்டு போராட்டம் நடைபெற்று வருகிறது. அந்தக் கடைகளில் இனி தமிழர்கள் யாரும் எந்தவித பொருட்களையும் வாங்க மாட்டோம் என முடிவெடுக்க இந்த போராட்டம் நடைபெறுகிறது. தமிழக மீனவர்களை கொலை செய்யும் நோக்கோடு தாக்குதல் நடத்தி கொலை செய்து வரும் இலங்கை கடற்படை மீது தமிழக காவல்துறை கொலை வழக்கு பதிவு செய்ய தயங்குவது ஏன்? இலங்கை கடற்படை மீது கொலை வழக்கு பதிவு செய்ய நீதிமன்றத்தை விரைவில் நாட உள்ளதாக அவர் தெரிவித்தார்