பாலியல் வன்கொடுமையால் 2½ வயது பெண் குழந்தை பலி : திமுக பிரமுகர் போக்சோ சட்டத்தில் கைது!

» செய்திகள் - விளையாட்டு » தமிழகம்

பாலியல் வன்கொடுமையால் 2½ வயது பெண் குழந்தை பலி : திமுக பிரமுகர் போக்சோ சட்டத்தில் கைது!

வெள்ளி 27, பிப்ரவரி 2026 10:49:45 AM (IST)

கிருஷ்ணகிரி அருகே, இரண்டரை வயது பெண் குழந்தை பாலியல் தொந்தரவால் உயிரிழந்த சம்பவம் அதிர்ச்சியை ஏற்படுத்தியுள்ளது. இது தொடர்பாக திமுக கிளை நிர்வாகி ஒருவரைப் போலீசார் போக்சோ சட்டத்தின் கீழ் கைது செய்துள்ளனர்.

கிருஷ்ணகிரி மாவட்டத்தைச் சேர்ந்த 24 வயது இளம்பெண் ஒருவர், ஓசூரில் கட்டிட வேலை செய்து வந்த திருவண்ணாமலை மாவட்டத்தைச் சேர்ந்த 28 வயது இளைஞரைக் காதல் திருமணம் செய்துகொண்டார். இவர்களுக்கு இரண்டரை வயதில் ஒரு பெண் குழந்தை இருந்தது. குடும்பத் தகராறு காரணமாகக் கணவரைப் பிரிந்த அந்தப் பெண், குழந்தையுடன் கிருஷ்ணகிரியில் உள்ள தனது பெற்றோர் வீட்டிற்கு வந்து தங்கியிருந்தார்.

கடந்த டிசம்பர் மாதம் 11-ஆம் தேதி, குழந்தைக்கு வலிப்பு ஏற்பட்டதாகக் கூறி அதன் தாய் தனியார் மருத்துவமனைக்குக் கொண்டு சென்றார். ஆனால், குழந்தையைப் பரிசோதித்த மருத்துவர்கள் அது ஏற்கனவே இறந்துவிட்டதாகத் தெரிவித்தனர்.

தந்தையின் புகார் மற்றும் பிரேதப் பரிசோதனை: குழந்தையின் மரணத்தில் சந்தேகம் இருப்பதாகக் கூறி, அதன் தந்தை அஞ்செட்டி காவல் நிலையத்தில் புகார் அளித்தார். அதன்பேரில், சந்தேக மரணம் (174 CrPC) எனப் போலீசார் வழக்குப்பதிவு செய்து விசாரணை நடத்தினர். இதற்கிடையில் வெளியான பிரேதப் பரிசோதனை அறிக்கையில், குழந்தையின் உடலில் கடுமையான உள்காயங்கள் இருப்பது கண்டறியப்பட்டது.

போலீஸ் விசாரணை - திடுக்கிடும் தகவல்கள்: போலீசாரின் தீவிர விசாரணையில் பல அதிர்ச்சிகரமான தகவல்கள் வெளியாகின. கணவரைப் பிரிந்து வாழ்ந்து வந்த அந்தப் பெண்ணுக்கும், ஜேசுராஜபுரத்தை அடுத்த கோம்மைகாடு கிராமத்தைச் சேர்ந்த பெரியநாயகம் (40) என்பவருக்கும் தொடர்பு இருந்துள்ளது. பெரியநாயகம் திமுக இளைஞரணி கிளை நிர்வாகியாகப் பொறுப்பு வகித்து வந்துள்ளார்.

அந்தப் பெண் வீட்டில் இல்லாத நேரத்தில், பெரியநாயகம் குழந்தைக்குப் பாலியல் தொந்தரவு கொடுத்துள்ளார். இதனால் உடல்நலம் பாதிக்கப்பட்ட குழந்தை பரிதாபமாக உயிரிழந்தது விசாரணையில் உறுதி செய்யப்பட்டது.

இதனைத் தொடர்ந்து, பெரியநாயகத்தை அஞ்செட்டி போலீசார் கைது செய்தனர். அவர் மீது கொலை மற்றும் பாலியல் வன்கொடுமை தடுப்புச் சட்டமான போக்சோ (POCSO) உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது. பின்னர் அவர் கிருஷ்ணகிரி நீதிமன்றத்தில் ஆஜர்படுத்தப்பட்டு, தர்மபுரி கிளைச் சிறையில் அடைக்கப்பட்டார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பாலியல் வன்கொடுமையால் 2½ வயது பெண் குழந்தை பலி : திமுக பிரமுகர் போக்சோ சட்டத்தில் கைது!

» செய்திகள் - விளையாட்டு » தமிழகம்